Ձեր վստահելի աղբյուրը

Ռուս գործարար Գերման Ստերլիգովը մտադրություն չունի խզել կապերն Արցախի Հանրապետության հետ և նախատեսում է պարբերաբար վերադառնալ այնտեղ: Այս մասին հաղորդում է «Ինտերֆաքս» գործակալությունը:
 
«Այն, որ մենք վերադարձել ենք հայրենիք, չի նշանակում, որ Լեռնային Ղարաբաղ չենք վերադառնալու: Կարելի է ասել՝ մեզ համար այն հարազատ տուն է դարձել»,-նշել է ռուս գործարարը:

Աղբյուրի փոխանցմամբ՝ վերջինս նաև հավելել է, որ Արցախում ոչ մեծ տնտեսություն է ձեռք բերել, որը վարելու է տեղի ծանոթ բնակիչներից մեկը:

«Այս պահին մենք ունենք փոքր տնտեսություն՝ մեր ալրաղացը, որտեղ ալյուր ենք աղում։ Բացի այդ, մենք այնտեղ գործընկեր ունենք՝ տեղացի երիտասարդ»,- ասել է Ստերլիգովը:

Նախորդ շաբաթ Ստերլիգովը ընտանիքի հետ միասին Արցախի Հանրապետությունից վերադարձել էր Ռուսաստան: Մոսկվայի Դոմոդեդովո օդանավակայանում Ստերլիգովը հարցաքննվել էր ռուս իրավապահների կողմից: Ավելի ուշ նաև հերքվել էին լուրերն այն մասին, որ Ստերլիգովին ձերբակալել են օդանավակայանում: