Ձեր վստահելի աղբյուրը

Գերմանացի հաղորդավարուհին, ով հարցազրույց էր վերցնում «Վոլֆսբուրգի» ֆուտբոլիստ Անդրե Շյուրլեից, շփոթել է նրան գերմանացի կիբերմարզիկ Քրիստիան Խմիլի հետ: Այս պատմության զավեշտը նրանում է, որ Անդրեն հումորի զգացումով է մոտեցել իրավիճակին և լրագրողուհու հարցերին պատասխանել որպես Քրիստիան Խմիլ:

Լրագրողուհի- Հուզված եմ, որ հնարավորություն ունեմ անցկացնելու այս ինքնաբուխ հարցազրույցը: Եվ քանի որ այն ինքնաբուխ է, իմ ձեռքի տակ միայն Վիքիպեդիայի նյութն է, և ես ներկայացնում եմ Քրիստիան Խմիլին՝ 2008 թվականի ESL(Electronic Sports League) չեմպիոնին: Բարև, Քրիստիան:

Շյուրլե- Ողջույն, ուրախ եմ, որ այստեղ եմ:

Լրագրողուհի- Զարմացած եմ, որ դու գերմաներեն ես խոսում: Այս նյութում նշվում է, որ դու Անգլիայից ես:

Շյուրլե- Մայրս գերմանուհի է, իսկ հայրս Անգլիայից է. դա չի կարող լինել Վիքիպեդիայի քո նյութում:

Լրագրողուհի- Այսինքն՝ դու մեծացել և միաժամանակ 2 լեզո՞ւ ես սովորել:

Շյուրլե- Այո:

Լրագրողուհի- Մի քանի հարց ունեմ. ի՞նչ ես մտածում Revenge-ի նկատմամբ Denial-ի հաղթանակի մասին:

Շյուրլե- Ի՞նչ, կրկնեք հարցը:

Լրագրողուհի- Իսկ ինչո՞ւ ես ծիծաղում:

Շյուրլե- Պատկերացում չունեմ:

Լրագրողուհի- Ի՞նչ է, դու է՞լ էիր մասնակցում այդ խաղին:

Շյուրլե- Ես խաղացել եմ Revenge-ի առաջատարի դեմ ու միշտ հաղթել նրան:

Լրագրողուհի- Այսինքն՝ նրանք քեզ համար ոչինչ են, որովհետև դու ավելի լա՞վ ես խաղում:

Շյուրլե- Այո, նրանք շանս չունեն իմ դեմ:

Լրագրողուհի- Բայց, ի՞նչ ես կարծում, վրիժառուների պարտությունն օրինաչա՞փ էր:

Շյուրլե- Անկասկած: Դա գերազանց խաղ էր:

Լրագրողուհի- Ինչո՞ւ են բոլորը ծիծաղում: (Օպերատորին) Դու հիմա՞ր ես:

Շյուրլե- Կարծում եմ՝ ես ինչ-որ բան պետք է բացատրեմ:

Անդրեն լրագրողուհուն բացատրեց, թե ինքն ով է, բայց այդ ամենից հետո էլ լրագրողուհին զավեշտալի հարց ուղղեց իր զրուցակցին:

Լրագրողուհի- Դու ասացիր, որ հանդես ես գալիս Գերմանիայի հավաքականում, ինչպե՞ս են այնտեղ քո գործերը:

Շյուրլե- Դու ֆուտբոլի մասին ընդհանրապես ոչինչ չգիտես, այնպես չէ՞:

Լրագրողուհի- Այո, ոչինչ:

Շյուրլե- Դե, հավաքականի հետ միասին… աշխարհի չեմպիոն դարձանք: