Ձեր վստահելի աղբյուրը

The Hollywood Reporter հրատարակչությունը կազմել է լավագույն 100 սերիալների վարկանշային ցուցակը: Անցկացված հարցմանը, որի հիման վրա էլ կազմվել է վարկանշային ցուցակը, մասնացել է 2,8 հազար մարդ, ովքեր ուղղակի կապ ունեն կինոարտադրության հետ՝ դերասաններ, ռեժիսորներ, պրոդյուսերներ: Այս մասին գրում է Լենտա.ռու կայքը:

Ցուցակում առաջին տեղն է զբաղեցրել «Ընկերներ» նախագիծը, որը ցուցադրվել է 1994-2004 թվականներին և բազմաթիվ մրցանակների է արժանացել, այդ թվում «Էմմի», «Ոսկե գլոբուս»: Երկրորդ տեղում է «Breaking Bad» սերիալը, որը ցուցադրվել է 2008-2013 թվականներին: Լավագույն եռյակն ամփոփում է «Գաղտնի նյութեր» սերիալը (1993-2002):

Ցուցակում է ընդգրկվել նաև «Սոպրանո կլանը» քրեական դրաման, «Ես սիրում եմ Լյուսիին» սիթքոմը, որի առաջին սերիան 1951 թվականին է դուրս եկել: Տասնյակը եզրափակում է ամերիկյան հեռուստատեսության պատմության մեջ ամենաերկար մուլտսերիալը՝ «Սիմփսոնները»: