Ձեր վստահելի աղբյուրը

Երևանյան 9-րդ միջազգային երաժշտական փառատոնի շրջանակում այսօր  Արամ Խաչատրյան տուն-թանգարանում կայանալու է կամերային երաժշտության համերգ: Համերգի ընթացքում հնչելու է Բրամսի (Սեքստետ B-dur, երկ 16) և Մոցարտի (Ալտի կվինտետ, g-moll, K.516) ստեղծագործություններից:

Մենակատարներն են՝ ալտահարներ Իդա Կավաֆյան (ԱՄՆ), Յանա Դարյան, Աննա Եսայանց, ջութակահարներ  Անի Կավաֆյան (ԱՄՆ), Լևոն Չիլինկիրյան (Մեծ Բրիտանիա), Սոֆյա Վարդանյան, թավջութակահարներ Արամ Թալալյան և Անժելա Սարգսյան: 

Հիշեցնենք, որ Երևանյան 9-րդ երաժշտական փառատոնն իրականացվում է ՀՀ նախագահի տիկին Ռիտա Սարգսյանի բարձր հովանու ներքո և մշակույթի նախարարության աջակցությամբ: Փառատոնի գեղարվեստական ղեկավարներն են Ալեքսանդր Չաուշյանը և Էդուարդ Թոփչյանը: Փառատոնը նվիրվում է Հայաստանի ազգային ֆիլհարմոնիկ նվագախմբի 90-ամյակին: Փառատոնը մեկնարկել է սեպտեմբերի 10-ին, կշարունակվի մինչև հոկտեմբերի 28-ը:

Նախորդող հրապարակում՝

Երևանյան 9-րդ երաժշտական փառատոն. «Համերգներին ելույթ են ունենալու յուրահատուկ երաժիշտներ»