Ձեր վստահելի աղբյուրը

Ռուս ռեժիսոր Նիկիտա Միխալկովը ենթադրում է, որ իր «Արևային հարված» ֆիլմը, որը Ռուսաստանի կողմից ներկայացված է «Օսկար» մրցանակաբաշխության, չի հայտնվի ֆիլմերի կարճ ցուցակում:

«Ես վստահ եմ, որ մենք չենք հայտնվի այդ ցուցակում: Ես չեմ խոսում ճաշակի մասին, բայց ես Ուկրաինայի սև ցուցակում եմ: Դա քաղաքականության է»,- Նյուզռու.քոմ-ի հաղորդմամբ, ասել է ռեժիսորը:

Նա հավելել է, ուրախ է այն պատճառով, որ Ամերիկյան կինոակադեմիայի անդամները «ուզեն, թե չուզեն, պետք է դիտեն «Արևային հարված» ֆիլմը»:

Ն. Միխալկովի «Արևային հարված» ֆիլմը ներկայացվել է «Օսկարի» «Օտարալեզու լավագույն ֆիլմ» անվանակարգում:

Ռուս ռեժիսորն արդեն մեկ անգամ արժանացել է «Օսկար» մրցանակի 1994 թվականին նկարահանած «Արևից հոգնածները» ֆիլմի համար։

Ամերիկյան կինոակադեմիայի «Օսկար» 88-րդ մրցանակաբաշխությունը կայանալու է 2016 թ. փետրվարի 28-ին:

Նախորդող հրապարակում՝
Հայկական որևէ ֆիլմ «Օսկար» մրցանակաբաշխությանը չի ներկայացվի