Ձեր վստահելի աղբյուրը

Գյումրիում հանրահավաքից հետո սահմանադրականբարեփոխումների դեմ պայքարող «Չեք անցկացնի» նախաձեռնությունն այսօր առաջին անգամ Ազատության հրապարակում հանրահավաք կանցկացնի:

«Փորձելու ենք հանրությանը ներկայացնել, թե ինչ աստիճանի վնասներ են լինելու հանրության համար բարեփոխումների հետևանքով», -«Ֆեյսբուքյան ասուլիս»-ում հայտարարեց նախաձեռնության անդամ Հրայր Մանուկյանը:

Նախաձեռնության մյուս անդամ Դավիթ Հովհաննիսյանը նկատեց, որ երևանյան այսօրվա հավաքը առաջինն է: Նրա խոսքով, ընտրել են փողոցային պայքարի ձևը, որովհետև հանրությանը իրավիճակը ներկայացնելու միակ ձևը դա է:

«Ինչո՞ւ պետք է մարդիկ միանան մեզ, որովհետև Հայաստանի Հանրապետության վրա կախված է վերացման մարտահրավեր, եթե անցնեն այս փոփոխությունները ստեղծվելու է կուսակցապետություն, որի միջոցով փորձելու են ցմահ կառավարել երկիրը: Այդ գիտակցումը կարող մարդկանց բերել հրապարակ ու միանալ մեզ», -հայտարարեց Հովհաննիսյանը: