Ձեր վստահելի աղբյուրը

Ազգային ժողովի փոխխոսնակ Էդուրադր Շարմազանովն ԱԺ ամբիոնից ընթերցեց Վենետիկի հանձնաժողովի նախագահ Ջիանի Բուքիքիոյի (Gianni Buquicchio)՝ Հայաստանի սահմանադրական փոփոխությունների վերաբերյալ Ազգային ժողովին ուղղված ուղերձը:

Ուղերձում, մասնավորապես, ասվում է. «Հայաստանի սահմանադրական փոփոխությունների նախագիծը մարդու իրավունքների շատ ժամանակակից ցանկ է պարունակում, որը համահունչ է եվրոպական և միջազգային չափանիշներին: Փոփոխությունների նախագիծը ամրապնդում է դատական իշխանության անկախությունը, Սահմանադրական դատարանի լեգիտիմությունը, ամրագրում է պետական կարևոր մարմինների, այն է՝ Կենտրոնական ընտրական հանձնաժողովի, Հեռուստատեսության և ռադիոյի հանձնաժողովի և Վերահսկիչ պալատի անկախության երաշխիքները:

Այս տեքստը Հայաստանի մասնագետների աշխատանքի արգասիքն է, այն պատրաստել են Հայաստանի պայծառագույն իրավաբանները, որոնք հաշվի են առել Հայաստանի սահմանադրական պատմությունը:

Կարող եմ ասել, որ Վենետիկի հանձնաժողովի խորհուրդները սահմանադրական պատմության մասնիկն են: Այս տեքստը հիմնվում է Վենետիկի հանձնաժողովի նախկին և նոր եզրակացությունների վրա: … Ընտրությունը ձերն է, ընտրության օրը՝ այսօր: Ընտրության վերջնական իրավունքը վերապահված է հայ ժողովրդին՝ հանրաքվեի միջոցով: Ինձ մնում է ընդգծել, որ այս հանրաքվեն պետք է համապատասխանի միջազգային չափանիշին և արտահայտի հայ ժողովրդի իրավական կամքը»:

Նախորդիվ՝ 
ՕԵԿ-ը դեմ է Սահմանադրության նախագծին. ԱԺ-ում նախագծի քվեարկությունը հետաձգվեց 1 ժամով
Սահամանդրության նախագծում առաջարկություններ են ներկայացրել ՀԱԿ-ից և «Ժառանգություն»-ից. Պողոսյան
Չի կարելի էսպես ձեռ առնել մարդկանց. Բագրատյան
Սահմանադրության նախագծի քվեարկությունը հետաձգելու մասին առաջարկությունը ԱԺ-ում չընդունվեց
Պետք է ցույց տանք զանգվածային անհնազանդություն. Փոստանջյան
Բաղրամյանում առայժմ միայն ոստիկաններն են ( լուսանկար)