Ձեր վստահելի աղբյուրը

Այս շաբաթ Թուրքիայի նախագահ Ռեջեփ Թայիփ Էրդողանի այցը Բրյուսել առանց միջադեպերի չի անցել։ Էրդողանի թիկնապահները բախվել են Բելգիայի ոստիկանության հետ՝ նախագահի անվտանգության պատասխանատվության պատերազմում: Ինչպես հայտնում է RTBF-ը, առաջին բախումը կոողմերի միջև եղել է հոկտեմբերի 4-ի երեկոյան, երբ 3000 մարդ էր հավաքվել Բրյուսելի Ստեֆանի հրապարակում՝ Էրդողանի հյուրանոցի մոտ նրան ողջունելու։

Երկրորդ, առավել լուրջ բախումը տեղի է ունեցել երկուշաբթի՝ Բրյուսելի «Val Duchesse» պալատում, երբ Թուրքիայի և Բելգիայի անվտանգության աշխատակիցները վիճել են, թե ով պետք է ստուգի այն սենյակները, որտեղ լինելու էր Էրդողանը։ Բելգիացիները նշել են, որ սենյակների ստուգումն իրենց պատասխանատվության տակ է, մինչդեռ թուրք անվտանգությունը չի համաձայնել։

Անվտանգության աշխատակիցները հարվածներ են հասցրել միմյանց և թուրք թիկնապահներից մեկը ծնկի է իջեցրել Բելգիայի VIP պաշտպանության ծառայության աշխատակցին, այնուհետև թուրք թիկնապահին հեռացրել են և անդորրը վերականգնվել է։

Բելգիական աղբյուրը RTBF-ին ասել է, որ միջադեպը տեղի է ունեցել թուրք անվտանգության ծառայության հարգանքի բացակայության պատճառով, մինչդեռ Բելգիայի անվտանգության ծառայությունը հաստատել է, որ իրավիճակն իսկապես եղել է «դժվար, նույնիսկ լարված»։

Անգամ Էրդողանի կինն է զարմացած մնացել, երբ Բրյուսելի Լուիզ պողոտա` իր այցի ժամանակ ուղևորությունն արգելափակել են մոտ 1 ժամ։