Ձեր վստահելի աղբյուրը

«Հանրային հեռուստաընկերությունը չի ծառայում ՀՀ քաղաքացիներին, եթե ծառայեր, ապա մեր հանրային կյանքում մեծ նշանակություն ունեցող ընտրական գործընթացի վերաբերյալ որևէ լուսաբանում կլիներ»,-այսօր Ազգային ժողովում Հանրային հեռուստառադիոընկերության 2014 թվականի գործունեության վերաբերյալ խորհրդի հաշվետվության քննարկման ժամանակ հայտարարեց ԱԺ պատգամավոր Զարուհի Փոստանջյանը:

Նրա կարծիքով, Հանրային հեռուստաընկերությունը, օրինակ, ընտրացուցակների վերաբերյալ հետաքննություն չի կատարել, չի ներկայացրել, որ բացակայող բնակիչների փոխարեն քվեարկություն է կատարվել ընտրություններում:

Ընդդիմադիր պատգամավորը եզրակացրել է, որ «Հանրային հեռուստաընկերությունը իր առաքելությունը չի կատարել»:

«Այդ պարագայում մնում է հանրաքվեի քարոզարշավի վերաբերյալ բանավեճերի անցկացումը տեղափոխել այլ տիրույթ` Youtube, facebook, twitter», -հայտարարեց Փոստանջյանը:

Հարակից հրապարակումներ`
Մի րոպե հա՞, ի՞նչ եք ոգևորվել, պարոն Արզումանյան. Թեժ բանավեճ Ազգային ժողովում
Զուրաբյանին առաջարկում են մասնակցել «Երգ երգոց» ծրագրին (տեսանյութ)
Վերջին երկու տարիներին Հանրայինը ռեյտինգային վազքարշավ չի սկսել. Շարմազանով (տեսանյութ)