Ձեր վստահելի աղբյուրը

Ֆորմալ առումով մեր՝ հայկական կողմը ինչ պահանջներով որ մտել էր գործընթացի մեջ, դրանք կարծես թե բավարարվել են: Այս մասին Panorama.am-ի հետ զրույցում ասաց թուրքագետ Անուշ Հովհաննիսյանն՝ անդրադառնալով ՄԻԵԴ-ի կողմից «Փերինչեքն ընդդեմ Շվեյցարիայի» դատական գործով կայացրած վճռին:

«Եվրոպան գնաց իր որդեգրած «վին, վին» սկզբունքով, այսինքն՝ որևէ մի կողմին չնեղացնելու և հավասարակշռությունը պահպանելու սկզբունքով: Որոշումը բավականին լղոզված ձևակերպումներով էր արված: Սա մեզ համար պարտություն չէ, բայց հաղթանակ էլ չէ»,-նշեց թուքագետը:

Նա նկատեց, որ ՄԻԵԴ-ի որոշումով երկու կողմերն էլ հնարավորություն են ստանում վճիռը մեկնաբանել այնպես, ինչպես իրենց հարմար է. «Ինձ չի բավարարում այս որոշումը, քանի որ հստակություն չկա»:

Խոսելով նախօրեին ԳԱԱ-ում մեկնարկած «Հայոց Ցեղասպանություն-100 ճանաչումից հատուցում» խորագրով միջազգային գիտաժողովից, որին շուրջ 100 մասնակից է ներկա աշխարհի տարբեր երկրներից՝ Անուշ Հովհաննիսյանն ասաց. «Այսպիսի հանդիպումների վեճերից, զեկույցներից, հարցադրումներից զտվում են այն ճանապարհները, որով մենք պետք է գնանք մեր նպատակներին հասնելու համար»:

Նախորդող հրապարակումներ՝
Ջեոֆրի Ռոբերթսոն. ՄԻԵԴ-ը լիովին բավարարել է Հայաստանի կառավարության պահանջները
Ամալ Քլունիի և Ջեոֆրի Ռոբերթսոնի հայտարարությունը․ Որոշումը հաղթանակ է Հայաստանի համար
Գևորգ Կոստանյան. ««Փերինչեքն ընդդեմ Շվեյցարիայի» գործով մենք մեր նպատակին հասանք»
ՀՀ կառավարության պահանջները Փերինչեքի գործով ամբողջությամբ բավարարվեցին Եվրոպական դատարանի կողմից