Ձեր վստահելի աղբյուրը

Հայաստանում այս տարվա հունվար-օգոստոսին առավել ﬔծ թիվ են կազﬔլ սուր աղիքային հիվանդությունները: ՀՀ ազգային վիճակագրական ծառայության հրապարակած տվյալների համաձայն, եթե 2014թ-ի հունվար-օգոստոսին հանրապետություն գրանցվել է սուր աղիքային հիվանդությունների 6 262 դեպք, ապա այս տարվա նույն ժամանակահատվածում՝ 7 187 դեպք:

Այս տարի աճել են նաև վիրուսային հեպատիտի դեպքերը` կազմելով 206` նախորդ տարվա 139-ի դիմաց: Դրանցից 79-ը եղել է հեպատիտ Ա, 58-ը` հեպատիտ Բ:

ԱՎԾ-ի փոխանցմամբ` ՁԻԱՀ-ի դեպքերը հունվար-օգոստոսին նախորդ տարվա նույն ժամանակահատվածի հաﬔմատ աճել են 2-ով ` կազﬔլով 110 դեպք, իսկ ՄԻԱՎ-ի դեպքերը նվազել են 10-ով ` կազﬔլով 195 դեպք:

Ըստ ԱՎԾ-ի՝ վերին շնչուղիների սուր վարակների դեպքերը նախորդ տարվա նույն ժամանակահատվածի համեմատ նույնպես նվազել են 1 535-ով և կազմել 90 003 դեպք: Հունվար-օգոստոսին նվազել են նաև շնչառական օրգանների տուբերկուլյոզի դեպքերը. եթե 2014թ- ի նույն ժամանակահատվածում դրանք կազմում էին 636, ապա այս տարի` 517:

Այս տարի նվազել է նաև կապույտ հազի դեպքերը. եթե 2014թ-ին գրանցվել է կապույտ հազի 71 դեպք, ապա այս տարի՝ 18 դեպք:

Վիճակագրության համաձայն՝ այս տարի հանրապետություն գրանցվել է սիբիրյան խոցի 2 դեպք, մալարիայի և որովայնի տիզի 1-ական դեպք, մինչդեռ նախորդ տարի այս հիվանդություններից չի գրանցվել:

Ըստ ԱՎԾ-ի` նվազել են նաև քոսի դեպքերը. նախորդ տարվա 63-ի դիմաց այս տարի գրանցվել է 21 դեպք: Ի դեպ, քոսով հիվանդացել են 0-14 տարեկան 19 երեխա:

Նշվում է նաև, որ հունվար-օգոստոսին ոջլոտության դեպքերը աճել են 6-ով ` կազﬔլով 32: