Ձեր վստահելի աղբյուրը

Քանաքեռ-Զեյթուն համայնքի Ռուբինյանց 23 շենքի շուրջ աղբակույտեր են առաջացել: Բնակիչները դժգոհում են, որ աղբահավաքություն իրականացնող «Սանիթեք» ընկերությունը աղբը չի տարել:

«Շենքի աղբատարը խցանվեց երեք օր առաջ։ Աղբը իջեցրի ներքև, դուռը բացեցի, մեծ դժվարությամբ գցեցի ներս։ Աղբի բարձրությունը մարդաբոյն անցնում էր»,-Panorama.am-ին ասաց շենքի բնակիչներից Միքայել Յալանուզյանը:

Քանի որ հեռախոսահամարին մի քանի օր պատասխանող չի եղել, նա դժգոհությունը մի կերպ է կարողացել  փոխանցել է ընկերության ներկայացուցչին:

Այսօր աղբատարը բացված չի, աղբամուղի դուռը փակ է, մարդիկ աղբը խնամքով շարում են շենքի մուտքի կողքը:


Panorama.am-ը ևս զանգահարեց քառանիշ համարով՝  8090, հասկանալու համար, թե ինչու ընկերությունը չի իրականացրել իր պարտականությունները: Պարզվեց հարցին պատասխանել ընկերության ներկայացուցիչը չի կարող, իսկ պարզաբանում ստանալու համար պետք է հասնել ընկերության գրասենյակ, որը գտնվում է Արին Բերդ 2/4 հասցեում:

Ընկերությունից խոստացել են պարզաբանել, թե ինչու են անգործություն ցուցաբերել, ինչի հետևանքով շենքի բակում աղբով լի տոպրակներ են շարվել:


Մինչ քաղաքապետարանից սպառնում են տուգանել ու լուսանկարել աղբը չնախատեսված վայրում թափող քաղաքացիներին, ավելի ճիշտ կլինի հետևել, ոպեսզի պայմանգրային պարտավորություններ ստանձնած ընկերությունն իրականացնի իր պարտականությունները:

Լուսանկարները՝ Միքայել Յալանուզյանի ֆեյսբուքյան էջից:

Նախորդող հրապարակումներ՝
«Սանիթեք»-ը աղբահանություն կիրականացնի նաև Քանաքեռ-Զեյթուն վարչական շրջանում
«Սանիթեք»-ն աղբահանություն կիրականացնի նաև մյուս 6 վարչական շրջաններում
Տարոն Մարգարյան. Պետք է հասնենք նրան, որ քաղաքացիներն աղբը թափեն սահմանված վայրերում
Քաղաքապետը տեսել է. Մալաթիա-Սեբաստիան կորած էր աղբի մեջ