Թևան Պողոսյան. ԵՄ-ի ու Հայաստանի միջև նոր պայմանագրի արագ կնքումը բխում է Հայաստանի շահերից
«Ժառանգություն» խմբակցության անդամ Թևան Պողոսյանն այսօր «Մեդիա կենտրոն»-ում հրավիրած Եվրոպական հանձնաժողովը ՀՀ-ի հետ բանակցություններ սկսելու մանդատ է ստացել. ակնկալիքներ և հեռանկարներ» թեմայով քննարկման ժամանակ հիշեց, որ Հայաստանի ու ԵՄ միջև նոր ստորագրվելիք պայմանագրի քննարկումների համար Երևան եկած եվրոպացի փորձագետներն անընդհատ հարց էին տալիս, հնարավո՞ր է, որ այս անգամ էլ ինչ-որ փուլում Հայաստանի վրա ճնշում գործադրվի բանակցություններից հետ կանգնելու համար:
«Ասոցացում մինուս համարենք, չգիտեմ կիսազատ, կիսախոր համաձայնագիր ենք ստորագրելու: Դասերից մեկը պետք է լինի այն, որ հենց որևէ կետի շուրջ պայմանավորվածություն է ձեռք բերվում, տեղեկատվություն տրամադրվի հասարակությանը, բիզնես, մշակութային, կրթական համայնքներին, թե ինչ բարեփոխումներ են արվելու, որ իրենք էլ գիտակցեն, եթե պետք լինի պայքարեն»,-ասաց Թ. Պողոսյաննը, կարծիք հայտնելով, որ սեպտեմբերի 3-ի իրավիճակից դասեր քաղել են թե Հայաստանը, թե Եվրամիությունը:
Հիշեցնենք, որ 2013թ սեպտեմբերի 3-ին հայտարարվեց, որ Հայաստանը մտնելու է Մաքսային միություն և մասնակցելու է Եվրասիական տնտեսական միության ձևավորման գործընթացին:
«Եթե քաղաքական կամք լինի, ապա հնարավոր է շատ արագ ստորագրվի փաստաթուղթը: Դա իսկապես բխում է Հայաստանի շահերից»,-ասաց Թ. Պողոսյանը, նկատելով, որ նույնիսկ կարելի է «Սկայպ»-ի միջոցով ամենօրյա բանակցություններ իրականացնել:
Նախորդող հրապարակումներ՝
Փոխնախարար. ԵՄ հետ ստորագրվելիք նոր համաձայնագրում տարիֆային մասը չի լինի
Նալբանդյան. Կարևորում ենք Հայաստանի հետ բանակցությունների մանդատի տրամադրումը