Beeline-ը շարունակում է աջակցել ներառական կրթության զարգացմանը
Beeline-ը Մանկական զարգացման հիմնադրամի հետ համատեղ անցկացրեց վերապատրաստման դասընթաց «Գիտելիք հանուն բարեկեցության» ծրագրի շրջանակում:
«ԱրմենՏել» ՓԲԸ-ի հասարակայնության հետ կապերի ծառայությունից հայտնում են, որ Վերապատրաստման դասընթացին մասնակցել են մասնագետներ Արագածոտնի և Վայոց Ձորի մարզերի այն ուսումնական հաստատություններից, որտեղ գործում են ներառական կրթության զարգացումը խթանող «Beeline երեխաների զարգացման անկյուններ»։ Դասընթացի շրջանակում մասնագետներին ներկայացվել են ներառական կրթության էությունը, այն զարգացնող խաղերն ու նյութերը, ինչպես նաև վերջիններիս կիրառման տեխնիկաները զարգացման խնդիրներ ունեցող երեխաների հետ աշխատանքում։
«Գիտելիք հանուն բարեկեցության» ծրագրի շրջանակում մենք Մանկական զարգացման հիմնադրամի հետ համատեղ բացեցինք «Beeline երեխաների զարգացման անկյուններ» Երևանի և մարզերի մի շարք կրթական հասատություններում: Այդ հաստատություններում բարձր որակավորում ունեցող մասնագետների առկայությունը ծրագրի հաջող իրականացման և ներառական կրթության զարգացման առանցքային նախապայմաններից է: Այդ իսկ պատճառով մենք կարևորում ենք մասնագետների վերապատրաստումը ծրագրի այս փուլում, որը հերթական քայլն է ներառական կրթության կարիք ունեցող մանուկների և երիտասարդների կյանքն ավելի լավը դարձնելու գործում», - նշել է Հայաստանում Beeline-ի Գլխավոր տնօրեն Անդրեյ Պյատախինը։
«Մանկական զարգացման հիմնադրամի և Beeline-ի համագործակցության շնորհիվ շարունակվում է մարզերում մասնագետների կարողությունների զարգացման գործընթացը՝ նորանոր փոփոխություններ բերելով երեխաների և նրանց ընտանիքների կյանք: Այս ծրագիրը ևս մեկ հնարավորություն է տալիս մարզերում աջակցել երեխաների պաշտպանության ոլորտում աշխատող մասնագետներին և համատեղ իրականացնել պետության կողմից որդեգրած «Կրթություն բոլորի համար մոտեցումը»,- ասել էՄանկական զարգացման հիմնադրամի տնօրեն Լուսինե Սիմոնյանը։
Beeline-ը համագործակցում է Մանկական զարգացման հիմնադրամի հետ 2011 թվականի ապրիլից։ Համագործակցության շրջանակում ստեղծվել է հատուկ կարիքներ ունեցող երեխաներից և հանրակրթական դպրոցներում սովորող երեխաներից բաղկացած «Մենք ենք» թատերախումբը: Թատերախմբի սաների համար անց են կացվում հատուկ միջոցառումներ և արտ-թերապիայի դասընթացներ, որոնք նպաստում են հատուկ կարիքներ ունեցող երեխաների ինտեգրմանը հասարակություն։ «Գիտելիք հանուն բարեկեցության» ծրագրի շրջանակում բացվել են «Beeline երեխաների զարգացման անկյուններ»։ Հիմնադրամին տրամադրվել «0-8000-1007» վստահության հեռախոսահամարը։
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
