Ձեր վստահելի աղբյուրը

Այսօր ԱՊՀ մասնակից երկրների Միջխորհրդարանական վեհաժողովի խորհրդի նախագահ Վալենտինա Մատվիենկոյի կարգադրությամբ «Խորհրդարանական համագործակցության համար» մեդալով պարգևատրվել են ՀՀ ԱԺ պատգամավորներ Արտակ Դավթյանն ու Խոսրով Հարությունյանը, «ԱՊՀ ՄԽՎ 20 տարի» հոբելյանական մեդալով՝ ՀՀ ԱԺ պատգամավորներ Ալեքսան Պետրոսյանն ու Արաիկ Հովհաննիսյանը: Պատվավոր նշանով պարգևատրվել են ՀՀ ԱԺ պատգամավոր Հայկ Բաբուխանյանն ու «Գոլոս Արմենիա» թերթի գլխավոր խմբագիր Ֆլորա Նախշքարյանը՝ մամուլի ու տեղեկատվության զարգացման գործում մատուցած ծառայությունների համար, պատվավոր կրծքանշանով՝ «Հայաստան» մարզական հկ նախագահ Ռազմիկ Ստեփանյանը՝ ֆիզիկակական կուլտուրայի, սպորտի և տուրիզմի զարգացման գործում մատուցած ծառայությունների համար:

ԱԺ հասարակայնության և տեղեկատվության միջոցների հետ կապերի վարչությունից հայտնում են, որ պարգևները հանձնել է ՀՀ ԱԺ նախագահ Գալուստ Սահակյանը և շնորհավորելով պարգևատրվածներին՝ բարձր է գնահատել նրանց գործունեությունը միջազգային խորհրդարանական հարթակներում: