ՀՀ նախագահը կարևորել է Բագրատաշեն-Սադախլո սահմանային «Բարեկամության կամրջի» շինարարությունը
Վրաստանում աշխատանքային այցով գտնվող ՀՀ նախագահ Սերժ Սարգսյանը այդ երկրի նախագահ Գիորգի Մարգվելաշվիլիի հետ հանդիպումից հետո հայտարարել է, որ կարևորում է Բագրատաշեն-Սադախլո սահմանային «Բարեկամության կամրջի» շինարարությունը:
«Վերադառնալով միջպետական օրակարգին, պետք է գոհունակությամբ փաստեմ, որ վերջին տարիներին հայ-վրացական հարաբերությունները դինամիկ զարգացում են ապրել և թևակոխել են որակական նոր փուլ: Մեր երկրների միջև ընթացող բարձր մակարդակի ակտիվ քաղաքական երկխոսությունը և փոխայցելությունները խոսքերիս վառ վկայությունն են: Կարևորում եմ նաև այն, որ երկկողմ հարաբերությունների ամրապնդումն իրականացվում է լիակատար փոխվստահության պայմաններում»,-երկրի ղեկավարի մամուլի գրասենյակի փոխանցմամբ, ասել է ՀՀ նախագահը:
Սերժ Սարգսյանը տեղեկացրել է, որ Վրաստանի նախագահի հետ քննարկել են նաև այն ռազմավարական բնույթի նախագծերը, որոնց երկուստեք ձեռնամուխ են եղել:
«Կցանկանայի կարևորել Բագրատաշեն-Սադախլո սահմանային «Բարեկամության կամրջի» շինարարությունը: Վստահ եմ, որ համատեղ ջանքերով մենք այն և մնացյալ բոլոր ծրագրերը հաջողությամբ ավարտին ենք հասցնելու` դրանով իսկ հավելյալ խթաններ ստեղծելով մեր երկրների առաջընթացի և տնտեսական վերելքի համար»,-ասել է ՀՀ նախագահը:
Հարևան երկրների ղեկավարների հանդիպման ժամանակ քննարկվել են նաև տարածաշրջանային նշանակության հարցեր:
«Կարևոր եմ համարում ընդգծել, որ նման հարցերում առկա փոխըմբռնումը առաջին հերթին պայմանավորված է հայ-վրացական եղբայրության գերակայության գիտակցմամբ, ինչպես նաև երկարաժամկետ մտածելու կարողությամբ: Ավելին, մեր ժողովուրդների խորքային կապերի վրա խարսխված ակտիվ միջպետական երկխոսությունը լուրջ նախադրյալներ է ստեղծում համակողմանի գործընկերության նորանոր ուղղություններ նախանշելու համար»,-ասել է ՀՀ նախագահը:
Հայաստանի ու Վրաստանի նախագահների հանդիպման ընթացքում քննարկված այլ հարցերի մասին կարդացեք՝
Սերժ Սարգսյանը շնորհակալություն է հայտնել վրացական կողմին Սուրբ Գևորգ եկեղեցու վերականգնմանն աջակցելու համար
Սերժ Սարգսյանը և Գիորգի Մարգվելաշվիլին քննարկել են հայ-վրացական հարաբերությունների օրակարգը
ՀՀ նախագահ. Հայաստանի և Վրաստանի միջև միջև առևտրաշրջանառությունն ավելացել է
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
