Ձեր վստահելի աղբյուրը

Երևանի թատրոնի և կինոյի պետական ինստիտուտի Ուսանողական թատրոնն այսօր մեկնարկում է նոր խաղաշրջանը՝ Հակոբ Պարոնյանի «Ատամնաբույժն արևելյան» երկու գործողությամբ բեմադրության ցուցադրությամբ։ Բեմադրիչն է Արման Նավասարդյանը: Լրագրողների հետ հանդիպման ժամանակ ասաց Ուսանողական թատրոնի տնօրեն Էրիկ Բարսեղյանը:

Նա հայտնեց, որ մուտքն այսօր ազատ է:

Այս թատերաշրջանում ցուցադրվելու է յոթ ներկայացում, լինելու են նաև պրեմիերաներ:

«Բանակցություններ ենք վարում մարզային թատրոնների հետ՝ ցուցադրելու «Ատամնաբույժն արևելյան» ներկայացումը: Առաջիկայում «Դեպի տուն» ներկայացումը ցուցադրվելու է Սոչիի միջազգային թատերական փառատոնում: Հրավերն արդեն ունենք»,- ասաց նա:

Է. Բարսեղյանը նշեց, որ Ուսանողական թատրոնը մրցունակ է, քայլում է ժամանակին համընթաց, պահպանում է իր մրցունակությունը խաղացանկային թատրոնների կողքին:

ՀՀ արվեստի վաստակավոր գործիչ, բեմադրիչ Դավիթ Հակոբյանն ասաց, որ «Ատամնաբույժն արևելյան» ներկայացումը շատ այլ թատրոններում է ներկայացվել, սակայն այսօր հանդիսատեսը բոլորովին այլ բան է տեսնելու՝ այսօրվա շնչով, էներգիայով, բոլորովին նոր մոտեցմամբ: