Ձեր վստահելի աղբյուրը

Տափերական համայնքում գտնվող «Արարատի կոնյակի գործարան «Ա.Կ.Զ.» ՍՊԸ-ն այս տարի մթերել է 8277 տոննա խաղող, որը մոտ 3000 տոննայով ավելի է, քան նախորդ տարի: Այս մասին այսօր լրագրողների հետ զրույցում ասաց «Արարատի կոնյակի գործարան «Ա.Կ.Զ.» » ՍՊԸ-ի հիմնադիր Սարգիս Վարժապետյանը:

«Այդ ծավալով մթերման կարիքը կարելի է ասել չունենք, սակայն ելնելով գյուղացու իրավիճակից մենք այդ քանակի խաղող տեղավորեցինք մեզ մոտ: Մթերման 402 մլն դրամը վճարել ենք արդեն, 650 մլն-ին մոտ դրամ էլ մնացել է, որի մի մասը կվճարվի մինչև Նոր տարի, իսկ մյուս մասը կմնա 2016-ին»,-տեղեկացրեց գործարանի հիմնադիրը:

Գործարանի արտադրանքը հայաստանյան շուկայում չի իրացվում: 2002թվականից սկսած ընկերությունը զբաղվում են միայն արտահանմամբ՝ ՌԴ, Ուկրաինա, Ղազախստան, Բելառուս և Գերմանիա:

Հիմնադիրը շեշտեց, որ ՌԴ և Ուկրաինայի տնտեսական ճգնաժամի հետ կապված ընկերության իրացման ծավալները նվազել են, սակայն իրենց հումքի պահամանները չեն դատարկվել:

Նշենք, որ գործարանը ստեղծվել է 1997 թվականին՝ նախկին Կիրովի անվան գործարանի մասնավորեցման արդյունքում:
Գործարանը ներկայումս ունի 30 աշխատակից, իսկ խաղողի մթերման ամիսներին ներգրավվում են սեզոնային աշխատակիցներ, որոնց ամսեկան աշխատավարձը կազմում է 110 հազար դրամ, աշխատակիցերը հիմնականում տեղացիներ են:

Այժմ գործարանի տարածքում կառուցվում է պտուղբանջարեղենի վերամշակման, այդ թվում՝ տոմատի մածուկի արտադրության արտադրամաս, որը նախատեսվում է շահագործման հանձնել մինչև 2016թ. մթերման սեզոնի սկիզբը: Բացի այդ, կառուցվում է կոնյակի հնեցման նոր մառան, և վերակառուցվում են հնեցման նախկին մառանները, որոնք հնարավորություն կտան արտադրության փաստացի ծավալներն ավելացնելու մոտ 20%-ով:

Նշենք, որ այսօր ընկերություն էր այցելել և աշխատանքներին ծանոթացել ՀՀ նախագահ Սերժ Սարգսյանը:

Նախորդող հրապարակում՝
Նախագահն այցելել է մայրաքաղաքում գտնվող «Սպայկա» ընկերություն և Արարատի մարզի մի շարք ձեռնարկություններ