Ձեր վստահելի աղբյուրը

«Ադրբեջանը փորձում է ղարաբաղյան հակամարտության քննարկումը տեղափոխել այլ ձևաչափեր: Սակայն միակ ձևաչափը, որը ստացել է մանդատ միջազգային հանրության կողմից, ԵԱՀԿ Մինսկի խումբն է»,- լրագրողների հետ հանդիպման ժամանակ ասաց ՀՀ արտաքին գործերի նախարար Էդվարդ Նալբանդյանը՝ պատասխանելով հարցին, թե ինչպե՞ս կմեկնաբանեք Եվրոպայի խորհրդի խորհրդարանական վեհաժողովի Քաղաքական հարցերի և ժողովրդավարության հարցերով հանձնաժողովի նիստում հավանության արժանացած բրիտանացի պատգամավոր Ռոբերտ Ուոլտերի կողմից ներկայացված «Լեռնային Ղարաբաղում և Ադրբեջանի մյուս գրավյալ տարածքներում բռնությունների աճ» վերնագրված զեկույցի նախագիծը:

Ըստ նրա, Հայաստանի դիրքորոշումը համընկնում է ԵԱՀԿ Մինսկի խմբի համանախագահների դիրքորոշման հետ, որ ոչ մի կառույց, կազմակերպությունը չպետք է քայլեր ձեռնարկեն, որոնք կարող են խանգարել հակամարտության խաղաղ կարգավորման գործընթացին և նպաստել տարածաշրջանում լարվածության աճին։

Է. Նալբադյանը նշեց, որ ոչ մի հակամարտություն չի կարգավորվել ԵԽԽՎ կամ նմանատիպ այլ կառույցի միջոցով:

«Մենք պետք է համանախագահների հետ աշխատենք բացառապես խաղաղ լուծման ուղիներ գտնելու համար»,- ընդգծեց ՀՀ արտգործնախարարը: 

Խոսելով զեկուցողի անաչառության մասին` նախարարն ասաց, որ մարդը, ով երկար տարիներ եղել է Ադրբեջանի բարեկամության խորհրդարանական խմբում, բրիտանական մամուլի հրապարակումների համաձայն ֆինանսավորվում է Բաքվի կողմից, ֆինանսապես համագործակցել է ադրբեջանական ֆոնդերի հետ, նրա ընտանիք այլ անդամներ ֆինանսական հետաքրքրություններ ունեն Ադրբեջանում, չի կարող անկողմնակալ դիրքրորոշում ունենալ:

ՀՀ ԱԳ նախարարը հրաժարվեց մեկնաբանել ԵԽԽՎ զեկույցի բովանդակությունը, ասելով, որ զեկույցը դրան արժանի չէ:
Միաժամանակ Է. Նալբանդյանը նշեց, որ Ադրբեջանի ղեկավարությունը ԵԽԽՎ փաստաթղթերը տարբեր կերպ է մեկնաբանու. նախավերջին փաստաթուղթը նրանք որակել են որպես թղթի կտոր, իսկ այս մեկը քիչ է մնում ներկայացնել որպես ՄԱԿ կանոնադրության աստիճանին հավասար փաստաթուղթ:

Նախորդող հրապարակումներ՝
Լավրով. Ցանկացած արմատական գործողություն, ում կողմից էլ ձեռնարկվի, կվնասի ղարաբաղյան հիմնախնդրի կարգավորման գործընթացին
Ջեյմս Ուորլիք. ԵԽԽՎ-ն պետք է Մինսկի խմբի համանախագահների հետ խորհրդակցեր՝ մինչ զեկույցի ընդունումը