Ձեր վստահելի աղբյուրը

ՀԱԿ խմբակցության ղեկավար Լևոն Զուրաբյանը երեկ հայտարարել է, որ քարոզարշավն ընթանում է խախտումներով, վարչական ռեսուրսի օգտագործմամբ, և իրենք, այդ փաստերն աչքի տակ ունենալով, դիմելու են ՍԴ:

Կառավարության աշխատակազմի ղեկավար-նախարար, «Այո»-ի քարոզչական շտաբի անդամ Դավիթ Հարությունյանից «Իրատես»-ը հետաքրքրվել է՝ աղաղակող խախտումների մասին լուրերն օբյեկտիվության հատիկ ունե՞ն:

«Միակ օբյեկտիվության հատիկն այն է, որ նրանք ընտրում են ոչ թե ամբոխավարական, այլ օրենսդրությամբ նախատեսված ճանապարհը: Այսինքն, կուտակել փաստեր և դիմել սահմանադրական դատարան»,- հռետորական պատասխան է տվել իշխանության ներկայացուցիչը:

Դիտարկմանը՝ ընդդիմությունը խոսում է դպրոցի տնօրեններին հրահանգ «իջեցնելու» մասին։

«Ես նման խախտումների ականատես չեմ եղել և ոչ էլ տեղեկություն ունեմ: Բայց եթե նրանք ունեն, պիտի հավաքեն, դիմեն ՍԴ, ինչպես խոստանում են»,- ասել է Դավիթ Հարությունյանը։