Իշխանությունը պայքարելու է, որ իրենից բացի, ԱԺ անցկացնի նաև իր ընդդիմությանը. Հրանտ Բագրատյան

Քաղաքական 15:59 19/11/2015 Հայաստան

Իշխանությունը պայքարելու է, որ իրենից բացի, ԱԺ անցկացնի նաև իր ընդդիմությանը. Հրանտ Բագրատյան

Այն, որ այս Սահամանդրությամբ ստեղծվում է հնարավորություն, որպեսզի ընդդիմությունը մասնակցի, ոչ մի լուրջ բան չկա: Այդ մասին այսօր հանարքվեի քարոզարշավի շրջանակներում «Այո և Ոչ» հեռուստաշոուի ժամանակ հայտարարեց ԱԺ պատգամավոր, նախկին վարչապետ Հրանտ Բագրատյանը` «Ոչ»-ի խմբից: Բագրատյանն ու քարոզարշավին մասնակցող հարավային խմբի մյուս անդամները այսօր Վայոց Ձորի մարզում են:

Մարզի Խնձորուտ գյուղի բնակիչներից Օհանյանների տանը հյուրընկալության ժամանակ Բագրատյանը ներկայացրեց Սահմանադրական փոփոխությունների վատ կողմերը, ասաց, որ նախագծի ընդունմամբ երկու համապետական ընտրությունների թիվը կրճատվում է` դառնալով մեկը:

«Համապետական ընտրությունների թվի կրճատումը վտանգավոր է`հակակշռող չկա, մանավանդ ինքը կլասիկ պառլամենտական չէ: Այն, որ այս Սահամանդրությամբ ընդդիմության դերը բարձրացվում է, ոչ մի լուրջ բան չկա. Ազգային ժողովի երեք փոխխոսնակից մեկը տալիս են ընդդիմությանը: Ի՞նչ է լինելու այս Սահմանադրական փոփոխություններից հետ` իշխանությունները պայքարելու են, որ անցկացնեն դիմությանն ու իրենց ընդդիմությանը: Էդ պառլամենտում 101 տեղը գնվելու է տարբեր օլիգարխների կողմից», -Օհանյանների ընտանիքին ներկայացրեց Բագրատյանը:

Նա հայտարարեց, որ իշխանական ներկայացուցիչների հայտարարությունները, թե ընդդիմությունը լծակ է ստանում, լուրջ չէ և այդպիսով փորձ է արվում կենտրոնացնել իշխանությունը մեկ կուսակցության ձեռքին: «Ինչո՞ւ ենք փոխում, չէ՞ որ լինելով իշխանության կարելի է գործող Սահամանդրությամբ շատ լավ կառավարել», -հավելեց Բագրատյանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: