Ձեր վստահելի աղբյուրը

«Հանցագործության և կրկնահանցագործության դեմ պայքարի լավագույն միջոցը զբաղվածությամբ ապահովելն է: Եթե մարդիկ ապահովված լինեն աշխատանքով, հացագործությունների թիվը էական կնվազի»,- լրագրողների հետ զրույցում ասաց արդարադատության նախարարության քրեակատարողական վարչության այլընտրանքային պատիժների կատարման բաժնի  պետ Լևոն Ավետիսյանը:

Նա մասնակցեց պրոբացիայի ծառայության ը նվիրված քննարկմանը և ներկայացեց պրոբացիաի պիլոտային ծրագրի շրջանակում արված աշխատանքներն ու արդյունքները: Հիշեցնենք, որ պրոբացիայի պիլոտային ծրագիրը մեկնարկել է այս տարվա հունիսին Երևանի Շենգավիթ վարչական շրջանում և Վանաձորում:

Լ.Ավետիսյանը տեղեկացրեց, որ պրոբացիայի ծառայության պիլոտայի ծրագրի շրջանակում արդեն երեք դատապարտյալ ապահովված են աշխատանքով. «Մեծ նվաճում է, որ հենց պիլոտային ծրագրի ընթացքում հնարավոր եղավ դատապարտյալներին ապահովել աշխատանքով»:

«Մենք համագործակցում ենք տարածքային զբաղվածության կենտրոնների հետ: Երևանի Շենգավիթ վարչական շրջանի և Վանաձորի տարածքային զբաղվածության կենտրոնների տնօրենները պիլոտային ծրագրի մասնակիցների հետ դատապարտյալներին ներկայացրել են տարբեր ծրագրեր՝ փորձելով ապահովել նրանց աշխատանքով»,- ասաց նա:

Լ.Ավետիսյանը նշեց, որ ծրագրի շրջանակում անչափահաս դատապարտյալների համար կազմակերպվել է այցելություն Մայր Աթոռ Սուրբ Էջմիածին, ինչպես նաև մշակութային տարբեր կենտրոններ:

Լ.Ավետիսյանը նշեց, որ բանակցություններ են վարում կրթության և գիտության նախարարության հետ, որոշ դատապարտյալներ ցանկություն կունենան սովորել քոլեջներում: Բանակցում են նաև առողջապահության նախարարության հետ. կան առողջական խնիդրներ ունեցող դատապարտյալներ, փորձում են ներգրավել նրանց առողջապահական տարբեր ծրագրերի մեջ: Սպորտի նախարարության հետ նույնպես փորձում են տարբեր միջոցառումներ կազմակերպել:

Ինչ վերաբերում է դատապարտյալների վերաբերմունքին պրոբացիայի ծառայությանը, Լ.Ավետիսյանն ասաց, որ սկզբում նրանց համար խորթ էր, սակայն քիչ-քիչ ընտրելացան պրոբացիայի ծառայության գործառույթներին:

«Խնդիր է նաև այն, թե ինչպես է հասարակությանը վերաբերում այս ծառայությանը: Մարդկանց մոտ կարծիք է ձևավորվել, թե սպասում են մարդուն դատապարտեն, որ նոր օգնության ձեռք մեկնեն: Մենք ուզում ենք նման ծրագրով դատապարտված մարդկանց հնարավորություն տալ վերադառնալ հասարակություն որպես հասարակության լիարժեք անդամ, ոչ թե լքված լինել հասարակությունից»,- նշեց նա: