Ձեր վստահելի աղբյուրը

«Պրոբացիայի և պրոբացիայի պետական ծառայության մասին» ՀՀ օրենքի նախագիծը դեկտեմբերի սկզբին կդրվի պաշտոնական շրջանառության մեջ: Պրոբացիայի ծառայության թեմայով կազմակերպված քննարկման ժամանակ լրագրողներին ասաց ՀՀ արդարադատության նախարաի տեղակալ Սուրեն Քրմոյանը:

«Հույս ունենք մինչև դեկտեմբերի վերջ կամ հունվարի սկիզբ արդեն կունենանք քննարկված տարբերակ և մինչև Ազգային ժողովի հաջորդ նստաշրջան կներկայացվի Ազգային ժողովի քննարկմանը: Խոսքն օրենսդրական փաթեթի մասին է»,- նշեց նա:

Ս. Քրմոյանի խոսքով, ակտիվ աշխատում են Քրեական և Քրեական դատավարական նոր օրենսգրքերը մշակող աշխատանքային խմբերի հետ, որպեսզի նախագծերը լինեն ներդաշնակ:

«Մենք փորձել ենք Քրեական դատավարության նոր օրենսգրքով նախատեսված այլընտրանքային խափանման միջոցների իրականացման հետ կապված հարաբերությունները կարգավորել օրենքի նախագծով: Այստեղ խնիդրը կայանում է նրանում, թե ինչ ծավալով է պրոբացիայի ծառայությունն իրականացնելու այլընտրանքային խափանման միջոցները: Եթե խոսում ենք տնային կալանքի կամ վարչական վերահսկողության մասին, որոնք նախատեսված են նոր օրենսգրքով, դա պրոբացիայի ծառայության  կողմից պետք է իրականացվի, քանի որ այս դեպքում էլեկտրոնային հսկողության է լինելու: Այլ խափանման միջոցների մասով, օրինակ՝ գրավ կամ երաշխավորություն, դեռևս հարցականներ կան»,- ասաց փոխնախարար Ս.Քրմոյանը: