Ձեր վստահելի աղբյուրը

Պետք է չամաչենք համարձակ զրուցել իրար հետ: Ազատության հրապարկում ընթացող «Նոր Հայաստան» հանրային փրկության ճակատի կողմից հրավիրված համազգային հանրահավաքի ժամանակ իր խոսքն այսպես սկսեց ՀՀ ժողովրդական արտիստ Երվանդ Մանարյանը՝ նշելով, որ շատ պատասխանատու է այսպիսի հանրահավաքում ելույթ ունենալը:

«Տարիներն անցնում են և պատասխանատվության զգացումը գնալով ծանրանում է: Ցանկանում եմ, որ համարձակ կերպով վերադառնանք տուն և ասենք որ մեր պատվին տեր կանգնեցիք և այն բարձր պահեցինք և իմանանք, որ մեր հայրենիքի համար կարևոր բան ենք արել»,-ասաց Մանարյանը:

Նա իր ելույթում շեշտեց, որ մարդն իր ամեն մի խոսքի, ամեն մի ասվածի համար պատասխան է տալիս:

«Նոր Հայասատան»-ի քաղխորհրդի անդամ Անդրեաս Ղուկասյանն էլ իր ելույթում նշեց պիտի լինեն միասնական, իրար նկատմամբ ուշադիր և մտահոգ:

«Հայ ժողովուրդը չի կորցել իր իրավունքները պաշտպանելու կարողությունը և կարողանում է օրինական պաշտպանել այն: Մենք լինելու ենք խաղաղ, բայց գործելու ենք ազատ: Մեր պահանջները պարզ են, պետք է կասեցվի սահմանադրական փոփոխությունների այս գործընթացը»,-նշեց նա: