Ձեր վստահելի աղբյուրը

Ազատության հրապարակում ՀՀ պետական օրհներգով մեկնարկեց  «Նոր Հայաստան» հանրային փրկության ճակատի կողմից հրավիրված համազգային հանրահավաքը, որով կոչ են անում  «ոչ» ասել սահմանադրական փոփոխություններին և պահանջում  իշխանությունների հրաժարականը։

«Նոր Հայաստան» ճակատի մաս են կազմում Հիմնադիր խորհրդարանը, «Ոտքի, Հայաստան» նախաձեռնությունը, ինչպես նաև «Ժառանգություն» կուսակցությունը:

Բեմահարթակում են գտնվում Րաֆֆի Հովհաննիսյանը, Արմեն Մարտիրոսյանը, Ժիրայր Սեֆիլյանը, Գարեգին Չուգասզյանը, Պետրոս Մակեյանը, Սոս Գիմիշյանը, Հմայակ Հովհաննիսյանը, Անդրեաս Ղուկասյանը:

«Հայաստանի Հանրապետության արժանապատիվ քաղաքացիներ, մենք այսօր ձեզ հրավիրել ենք այստեղ, որպեսզի միասին քննենք Հայաստանում ստեղծված ներքին քաղաքական և արտաքին քաղաքակն իրավիճակը և ներկայացնենք  Փրկության ճակատաի առաջարկները»,-ասաց Գարեգին Չուգասզյանը:

Մինչ Ազատության հրապարակ մտնելը ոստիկանության աշխատակիցները ստուգել են քաղաքացիների պայուսակները: