Ձեր վստահելի աղբյուրը

Ռուսաստանի կառավարությունը  հրապարակել է այն մթերքների ցանկը, որոնք այլևս չի  ներմուծելու Թուրքիայից: «Մեդուզա»-ն հիշեցնում է, որ Ռուսաստանը էմբարգո է կիրառում  ի պատասխան թուրքական կործանիչի կողմից ռուսական ինքնաթիռի ոչնչացման:
Կայքը հրապարակել է արգելված ապրանքների ցանկը մեկ նկարով.

Գյուղատնտեսության նախարար Սերգո Կարապետյանը հայտարարել է, այժմ հանրապետությունում ունենք բավարար  քանակությամբ  թարմ պտուղ-բանջարեղեն, այդ թվում` խաղող, խնձոր, կաղամբ, ծաղկակաղամբ, բազուկ, կարտոֆիլ, գազար, ինչպես նաև ջերմոցային արտադրանք, որը կարող ենք արտահանել ռուսական շուկա:

Նախարարն ընդգծել է, որ հայ արտադրողներն ունեն հնարավորություն ավելացնելու արտահանվող գյուղմթերքի ծավալները  և հորդորել է այս ուղղությամբ համապատասխան աշխատանքներ իրականացնել:  Գյուղնախարարը հայտնել է, որ այժմ խոշոր արտահանողները տրանսպորտային միջոցներն ավելացնելու քայլեր են ձեռնարկում: