Ձեր վստահելի աղբյուրը

Ազատության հրապարակում հրավիրած հանրահավաքում «Ժառանգություն» կուսակցության առաջնորդ Րաֆֆի Հովհաննիսյանն իշխանություններին կոչ արեց «դուրս գալ մեղսակցության»:

«Իշխանության ճշմարտության պահն է: Ճշմարտության պահ է նաև մեզ համար՝ ընդդիմության համար: Ընդդիմություն այլևս չկա, կա ժողովրդի մեծամասնություն, կա ժողովրդի իշխանություն, և մենք այդ իշխանությունը և սահմանդրությունը վերադարձնում ենք միասին, ոչ թե առանձին, ոչ թե այս հարթակով, միասին»,-ասաց նա:

Նա հայտարարեց, որ այսօր շարունակում են պայքարը. «Ոչ մի հուսահատություն չկա, ժողովուրդը մարտական է, գիտի ճշմարտությունը, ինքը որոշել է, և հիմա մենք ձևը, եղանակը և բովանդակությունը պետք է  գտնենք: Ստավարանալու ենք, չկասկածեք, եթե կա կասկածը, ապա հանեք այն հիմա»:

Ազատության հրապարակից «Նոր Հայաստան»-ի հրավիրած  հանրահավաքի մասնակիցները երթով շարժվեցին դեպի ԿԸՀ շենք, ապա կվերդառնան Ազատության հրապարակ՝ մասնակցելու «Ոչ»-ի շտաբի հավաքին: