Ձեր վստահելի աղբյուրը

Լեոնարդո դա Վինչիի «Մոնա Լիզա» կտավն ունի մի քանի շերտ և բոլորին հայտնի դիմանկարի տակ է գտնվում Լիզա Գերարդինիի իրական պատկերը: Նման եզրակացության է եկել ֆրանսիացի գիտնական Պասկալ Կոնտեն: Լուվրի աշխատակիցները, որտեղ գտնվում է նկարը, դեռևս հրաժարվում են մեկնաբանել նրա հայտարարությունը: Այս մասին գրումէ  Լենտա.ռու կայքը՝ հղում անելով  BBC News-ին:

Գիտնականն ավելի քան տաս տարի ուսումնասիրում է «Մոնա Լիզա» կտավն իր կողմից մշակված մեթոդով:

«Տեխնոլոգիան թույլ է տալիս մեզ տեսնել այն, ինչը գտնվում է գույնի շերտերի տակ և «մաքրել» շերտերը, ինչպես սոխը: Մենք կարող ենք վերականգնել նկարների ստեղծման ժամանակագրությունը»,- ասել է նա:

Ըստ նրա, այն դիմանկարում, որը գտնվում է «Մոնա Լիզա»-ի արտաքին շերտի տակ, այլ կին է պատկերված. մի քիչ կողք է նայում և առանց Ջոկոնդայի հայտնի ժպիտի է: Օքսֆորդի ինստիտուտի արվեստի պատմության պրոֆեսորը վիճարկում է Կոնտեի պնդումը այն մասին, թե թաքնված դիմանկարում իսկական  Լիզա Գերարդինին է:

Կոնտեի խոսքով, նա նվազագույնը երկու շերտ է տեսնում է դիմանկարի տակ. կնոջ դիմանկարի ուրվագիծ՝ ավելի մեծ գլխով և ձեռքերով և նկար, որում կինը մարգարտե գլխազարդով է:

Լենարդո դա Վինչին «Մոնկա Լիզա» կամ «Ջոկոնդա» ստեղծել է 1503-1505 –ական թվականներին: Ընդունված է համարել, որ նկարում պատկերված է ֆլորենցիացի առևտրական  Ֆրանչեսկո դել Ջոկոնդոյի կինը՝ Լիզա Գերարդինին: