Ընտրակեղծարարության դեմ առնելն անհրաժեշտ է որպես կոռուպցիայի դեմ պայքարի ամենաառաջին քայլ. Ա.Մարտիրոսյան

Քաղաքական 17:58 15/12/2015 Հայաստան

Ընտրակեղծարարության դեմ առնելն անհրաժեշտ է որպես կոռուպցիայի դեմ պայքարի ամենաառաջին քայլ. Ա.Մարտիրոսյան

«Կոռուպցիան առաջին հերթին հարվածում է մեզ բոլորիս: Կոռուպցիայի պատճառով մենք կորցնում ենք բազմամիլիոն ներդրումներ, աշխատատեղեր, բարձր աշխատավարձեր, սոցիալական արդարության քիչ թե շատ հնարավորություն»,- Ազատության հրապարակում «Նոր Հայաստան» հանրային փրկության ճակատի հրավիրած ասուլիսում ասաց «Նոր Հայաստան» ճակատի քաղաքական խորհրդի անդամ, «Ժառանգություն» կուսակցության փոխնախագահ Արմեն Մարտիրոսյանը:

Ըստ նրա, ընտրակեղծարարության դեմ առնելն անհրաժեշտ է որպես կոռուպցիայի դեմ պայքարի ամենաառաջին քայլ:

Խոսելով այսօր ռուսական շուկայում առկա խնդիրների մասին, Ա.Մարտիրոսյանը նշեց, որ դրա հետևանքով Հայաստան տրանսֆերտներ քիչ են գալու, ազդելու է Հայաստանի առևտրաշրջանառության վրա:

«Մեզ մնում է մեկ ճանապարհ՝ կոռուպցիայի դեմ պայքարելով ազատականացնել Հայաստանի տնտեսական դաշտը, որը հնարավորություն կընձեռի նախ իրականացնել ներդրումներ: Կոռուպցիայի դեմ պայքարել հնարավոր է միայն իշխանափոխության պարագայում:

Այլ ճանապարհ չունենք, քան միասնական ջանքերով իշխանափոխություն իրականացել, հակակոռուպցիոն իրական քայլեր իրականացնել, երկրում անհապաղ վերականգնել սոցիալական արդարության ինստիտուտը»,- ասաց Արմեն Մարտիրոսյանը:

Հիշեցնենք, որ «Նոր Հայաստան» փրկության ճակատը դեկտեմբերի 12-ից սկսած ամեն օր հրապարակում անցկացնում է ասուլիս, ճեպազրույց, քննարկում, իսկ դեկտեմբերի 16-ից սկսած այցելելու են տարբեր մարզեր:

Հարակից հրապարակումներ`

Րաֆֆի Հովհաննիսյան. Որքան էլ թակենք աշխարհի դուռը, մենք տեղ չենք հասնելու

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: