Ձեր վստահելի աղբյուրը

Մոսկվայի «Սկոլկովո» կառավարման դպրոցում անցկացված բանավեճի երեկոյի ընթացքում Մոսկվայի պետական համալսարանի տնտեսագիտական ֆակուլտետի դեկան Ալեքսանդր Աուզանի հետ գործարար Ռուբեն Վարդանյանը կիսվել է  սեփական յուրօրինակ փորձով և կանխատեսումներ են կատարել Ռուսաստանի տեսանելի ապագայի վերաբերյալ:

Ներկայացնում ենք Ռուբեն Վարդանյանի մի քանի նկատառումներ, իսկ ամբողջ բանավեճին կարող եք ծանոթանալ  «Վեդոմոստի» պարբերականում:

- Դա պատրանք է, որ ամեն ինչ որոշելու են չինովնիկներն ու գործարարները, ինչպես նախկինում էր։ Մի խումբ մարդիկ կարող են փոխել աշխարհը։

- Պետությունը ոչինչ պարտք չէ մեզ։ Եթե դու կարող ես քո տեղում գոնե մի փոքր բան անել, ուրեմն արա, և մենք կփոխենք ամեն բան ։

-   XXI դարում մարդը հաջողության կարևոր միավոր է դարձել և բարոյական արժեքները, պատասխանատվությունը ապագայի համար ու որոշումների կայացումը շատ կարևոր են։

- Եթե մենք փաստում ենք, որ XXI դարում մարդիկ գլխավոր ակտիվն են, ապա մենք ինքներս էլ ամեն բան այլ կերպ կանենք։

- Ռուսաստանի հիմնական խնդիրներից է անհետևողականությունը: Մենք ասում ենք, որ սա քրիստոնեական պետություն է, բայց Կարմիր հրապարակում մեռել է պառկած։ Քանի-քանի՞ ծրագրեր ենք գործարկել։ Եկեք գոնե մեկը ավարտին հասցնենք:

- Մենք միջնադար ենք վերադառնում:

- Ես համոզված եմ, որ մենք պատրանքներով ենք ապրում։ Այժմ այնքան մեծ չէ երկրների միջև պատերազմի վտանգը, որքան ահաբեկչության սպառնալիքը։

- Մենք ապրում ենք մի համակարգում ու աշխարհում, որտեղ ընտանիքը քայքայվում է, դադարում է գոյություն ունենալ որպես ամեն ինչի հիմք։ Սակայն ինչ էլ որ տեղի ունենա աշխարհում գլոբալիզացման տեսակետից, մենք ունենալու ենք գլոբալ աշխարհ՝ տեղային մտածողությամբ ։