Ձեր վստահելի աղբյուրը

Ղարաբաղա-ադրբեջանական շփման գծում նոր զինատեսակների ներգրավումը,  էսկալյացիայի ծավակների ուժեղացումը խոսում է այն մասին, որ մոտենում են կարմիր գծին, որից հետո կարող են ավելի վտանգավոր զարգացումներ լինել: Կովկասի ինստիտուտում կազմակերպված  կլոր սեղանի ժամանակ ասաց Կովկասի ինստիտուտի փոխտնօրեն Սերգեյ Մինասյանը:

Ըստ նրա, Ադրբեջանը որևէ հնարավորություն չունի վերսկսել ռազմական գործողություններ և արագ հաղթել, հետևաբար Ադրբեջանի այսօրվա քաղաքականությունը կապված է և ներքաղաքական իրադարձություններով, նաև Իլհամ Ալիևն ընկել է իր սեփական արտահայտությունների, գործողությունների գերին, հետդարձի ճանապարհ չկա:

«Ադրբեջանը շարունակելով լարել իրավիճակը՝ կփորձի հայկական կողմի, ԵԱՀԿ Մինսկի խմբի վրա ճնշումներ գործադրել, միաժամանակ թույլ չի տա իրավիճակը դուրս գա վերահսկողությունից ու հանգեցնի ռազմական գործողությությունների: Ցավոք սրտի, այս ամենի արդյունքում զոհերի, կորուստների քանակն ավելանում է, վտանգ է ստեղծվում, որ հայկական կողմն այլ հաշվարկներ անի և դիմի կոնկրետ քայլերի՝ փոխելով ռազմաքաղաքական իրավիճակը»,- ասաց Ս.Մինասյանը:

Պատասխանելով հարցին, թե արդյո՞ք հնարավոր է շփման գծում իրավիճակի ավելի սրման դեպքում ԵԱՀԿ Մինսկի խումբը դիմի ՄԱԿ-ի Անվտանգության խորհրդին նոր բանաձև ընդունելու համար, Ս. Մինասյանն ասաց, որ եթե Մոսկվան, Վաշինգտոնը, Փարիզը, Բրյուսելը որոշեն, որ իրավիճակը չափազանց լուրջ է, հսկողությունից դուրս է գալիս, կարող է նաև նման քայլ լինել: