Beeline-ը պարգևատրվել է երկու անվանակարգում «Վստահության վարկանիշ» ամենամյա հետազոտության արդյունքներով
Beeline-ն արժանացավ երկու պատվավոր կոչման «Վստահության վարկանիշ» ամենամյա հետազոտության արդյունքներով: Ընկերության Գլխավոր տնօրեն Անդրեյ Պյատախինը պարգևատրվել է «Բիզնեսում բարձր պատասխանատվություն և հաճախորդների նկատմամբ հոգատար վերաբերմունք» անվանակարգում, իսկ ընկերության Հասարակայնության հետ կապերի ծառայության ղեկավար Տաթև Այրումյանը` «Ընկերության իմիջի կայուն զարգացմանն ուղղված արդյունավետ և նորարար PR գործունեություն» անվանակարգում:
Ընկերության մամուլի ծառայության հաղորդմամբ, «Վստահության վարկանիշ» ամենամյա հետազոտությունն անցկացվել է ավելի քան հարյուր ընկերությունների շրջանում` սոցհարցումների և փորձագիտական գնահատման տվյալների հիման վրա: Կոնտենտ վերլուծության նպատակն է խրախուսել և հանրությանը ներկայացնել այն ընկերություններին, ղեկավարներին և անհատներին ովքեր իրենց ձեռքբերումների և իրականացրած կորպորատիվ սոցիալական պատասխանատվության ծրագրերի շնորհիվ դարձել են ոչ միայն շուկա զարգացնող կողմնորոշիչ, այլ նաև ծառայում են որպես բիզնեսը ճիշտ վարելու վառ օրինակ և առաջավոր փորձ տարածող։
«Շնորհակալություն եմ հայտնում կազմակերպիչներին և սոցհարցումների բոլոր մասնակիցներին նման բարձր գնահատականի համար: Այն ևս մեկ անգամ ապացուցում է, որ իրագործելով բիզնեսի զարգացման հաճախորդամետ ռազմավարությունը` մենք ճիշտ ուղու վրա ենք: Ցանկանում եմ ընդգծել, որ այս մրցանակը Beeline-ի անձնակազմի ընդհանուր հաղթանակն է: Մեր աշխատակիցներից յուրաքանչյուրը, անկախ աշխատանքից կամ պաշտոնից, գիտակցում է իր պատասխանատվությունը հաճախորդների առջև և անում հնարավոր ամեն ինչ, որպեսզի Beeline-ի յուրաքանչյուր հաճախորդ զգա մեր սերն ու հոգատարությունը», - նշել է Հայաստանում Beeline-ի Գլխավոր տնօրեն Անդրեյ Պյատախինը։
«Հասարակայության հետ կապերը հեռահաղորդակցության՝ դինամիկ կերպով զարգացող աշխարհում պահանջում են հատուկ մոտեցում: Աշխատելով լսարանների տարբեր խմբերի հետ՝ մեր ոլորտում անհրաժեշտ է ոչ միայն արդյունավետ կերպով օգտագործել գործող PR-տեխնոլոգիաները, այլ նաև մշտապես մշակել նորարարական մեխանիզմներ: Բացի այդ, հասարակայության հետ կապերն այն ոլորտն է, որտեղ դժվար է արդյունքները միանգամից չափել, և ես ուրախ եմ, որ «Վստահության վարկանիշ» հետազոտության շնորհիվ մենք հնարավորություն ունենք տեսնելու Beeline-ի իմիջի զարգացման ուղղությամբ տարված մեր աշխատանքի արդյունքները: Շնորհակալ եմ իմ աշխատանքին տրված բարձր գնահատականի համար, որն իմ և իմ թիմի համար կարևոր խթան է նոր բարձունքների հասնելու գործում», - նշել է Հայաստանում Beeline-ի Հասարակայնության հետ կապերի ծառայության ղեկավար Տաթև Այրումյանը:
«Շնորհավորում եմ Հայաստանում Beeline-ի ողջ անձանակազմին՝ ի դեմս տնօրեն Անդրեյ Պյատախինի երկրորդ տարին անընդմեջ համաժողովրդական վստահության արժանանալու համար: Հաճախորդների նկատմամբ մշտական հոգատար վերաբերմունք, կորպորատիվ բարձր պատասխանատվութուն, զեղչային ճկուն քաղաքականություն. հատկանիշներ, որոնք յուրաքանչյուր տարի Beeline ապրանքանիշը դարձնում են հազարավոր սպառողների սիրելի բրենդն ու ընկերությանը դարձնում ամենաբարձր վարկանիշ ունեցողը», - նշել է «Համազգային վստահություն» խորհրդի նախագահ Աստղիկ Խաչատրյանը:
Աղբյուրը հիշեցնում է, որ այս տարվա հոկտեմբերին Beeline-ն արժանացավ «Լավագույն գին առաջարկող կապի օպերատոր» կոչմանը «Տարվա լավագույն հանրային ծառայող և տարվա լավագույն ապրանքանիշ» հինգերորդ ամենամյա ազգային մրցանակաբաշխության շրջանակներում: 2014 թ. ընկերությունն արժանացել է «Հեռահաղորդակցության առաջատար օպերատոր» կոչմանը: Իսկ ամենամյա դիվանագիտական և բիզնես համաժողովին Beeline-ը ճանաչվեց լավագույնը երկու անվանակարգերում: Ընկերությունը ճանաչվեց «Կապի ոլորտի առաջատար» և արժանացավ լավագույնի կոչմանն «Օտարերկրյա ներդրող» անվանակարգում։ Իսկ Հայաստանում Beeline-ի Գլխավոր տնօրեն Անդրեյ Պյատախինը ճանաչվեց «Տարվա լավագույն ղեկավար» Վստահության վարկանիշ» կոնտենտ վերլուծության շրջանակում:
Լրահոս
Տեսանյութեր
Արցախի ղեկավարությունը Բաքվում է, որովհետև նրանք առաջնորդել են մեր քաղաքական պայքարը. Բեգլարյան
