Ձեր վստահելի աղբյուրը

Օսկարակիր ռեժիսոր Ալեխանդրո Գոնսալես Ինյարիտոյի նոր ֆիլմը` «Փրկվածը» (Revenant), որի գլխավոր հերոսի կերպարը մարմնավորել է հոլվուդյան դերասան Լեոնարդո Դի Կապրիոն, կինոքննադատների կողմից բազմաթիվ դրական գնահատականներ է ստացել:

ԶԼՄ-ները  իրենց հերթին շարունակում են ներկայացնել, թե ինչ ծանր ու էքստրեմալ վիճակում են անցել նկարահանումները:

Քաջ Հյու Գլասսի դերը ստանձնած գլխավոր հերոս Դի Կապրիոն պատմել է, որ ինն ամիս շարունակ Կանադայում և Արգենտինայում կատարված ֆիլմի նկարահանումները ամբողջությամբ փոխել են իր կյանքը: Նա վստահ է, որ ռեժիսոր Ինյարիտոյի նոր ֆիլմը ցնցող ազդեցություն կունենա կինոյի երկրպագուների վրա: Դի Կապրիոն պատմել է նաև` ինչպես է անցել աշխատանքը նկարահանման հրապարակում: «Կարող եմ ասել, որ ֆիլմի 30-ից 40 տեսարան իմ կարիերայի ընթացքում ամենածանրն են եղել` սառցե ջրի մեջ ընկնելու տեսարանը, սատկած կենդանիների լեշի մեջ քնելը, ինչպես նաև ուտելը: Բացի այդ, ես մշտապես մրսել եմ, բանը նույնիսկ կարող էր հասնել սառցակալելուն», -Yahoo Movies-ին տված հարցազրույցում ասել է Դի Կապրիոն:

Այսպիսով 40-ամյա դերասանը, որը իր կյանքում «Օսկար»-ի երբեք չի արժանացել, այս ֆիլմով դառնում է ոսկե արձանիկի պոտենցիալ հավակնորդը:



Լեոն նաև պատմել է, թե ինչպես են նկարել ֆիլմի ամենավառ էպիզոդներից մեկը` Գլասսի վրա կատաղած արջի հարձակումը: Դի Կապրիոն մանրամասներ չի ներկայացրել, բայց անկեղծացել է` ջանասիրաբար փորձարկել է:


Ֆիլմի օպերատոր Էմմանուել Լյուբեցկին (Emmanuel Lubezki) ներկայացրել է մանրամասներ Variety-ին տված հարցազրույցում` մանրամասնելով տեխնիկական մանրամասներ:

Մասնավորապես, նա անկեղծացել է, որ առավել հաճախ օգտագործել է բնական լույսը, ինչի արդյունքում վառ ու գեղեցիկ բնապատկեր է ստացվել: Ի դեպ, նա նաև ասել է, որ արջի հետ կռվի տեսարանին նա ծանոթացել է համացանցում:

«Մի անգամ համացանցում տեսանյութ էի դիտում, որտեղ տղամարդը էր փոսը`արջի բնի մեջ և դա նկարահանում էր զբոսաշրջիկը: Արջը նախ մոտեցել է այդ մարդուն և հետո հանկարծակի սկսել հարձակվել նրա վրա: Շատ տպավորիչ էր: Բայց ամենից շատ ինձ ցնցել էր այն, որ տեսանյութը ամբողջական էր և մնտաժ չկար», -պատմել է Լյուբեցկին: Վերջինը, հիշեցնենք, նաև Ինյարիտուի «Բըրդման»  ֆիլմի օպերատորն է:

«Փրկվածը» ֆիլմը ռուսական շուկա դուրս կգա հունվարի 7-ից: