Կրթության ոլորտի բարեփոխումները ոչ միայն չեն նպաստել կոռուպցիայի նվազեցմանը, այլ լրացուցիչ հնարավորություններ են բացել. Ուսումնասիրություն
Հայաստանում կրթության ոլորտը ինչպես նախկինում, այժմ էլ շարունակվում է համալրել կոռումպացված ոլորտների շարքը: Դատաիրավական, առողջապահական ոլորտներին զուգահեռ տարբեր զեկույցների համաձայն, կրթական ոլորտը համարվում է ամենակոռումպացվածներից մեկը: Կրթության ոլորտում կոռուպցիայի մասին ուսումնասիրություն է իրականացրել նաև «Բաց հասարակության հիմնադրամներ-Հայաստան» կազմակերպությունը` «Կոռուպցիայի դեմ պայքարը և բարեվարքության արմատավորումը Հայաստանի կրթության ոլորտում անվանումով»:
Ըստ ուսումնասիրության հեղինակների, կրթության ոլորտում իրականացված բարեփոխումները ոչ միայն չեն նպաստել կոռուպցիայի նվազեցմանը, այլ լրացուցիչ հնարավորություններ են բացել:
Նույն ուսումնասիրության համաձայն, միջնակարգ դպրոցների աշակերտների և բուհերի ուսանողների շրջանում անցկացված հարցումները ցույց են տալիս, որ աշակերտները և ուսանողները գիտեն տեղի ունեցող խախտումների մասին: Օրինակ` բուհերի ուսանողների զգալի մասը` 72.5 տոկոս, ասել է, որ իրենց բուհերում կա կոռուպցիա: Կոռուպցիայով ամենից շատ ախտահարված գործառույթների մասին խոսելիս , ուսանողներն առանձնացրել են ընդունելության քննությունները` ավելի քան 69 տոկոս,, 48.2 տոկոսը համարել է ընթացիկ քննությունները, իսկ 41,7 տոկոսը` ավարտական քննությունները:
Ուսանողների 31.1-38,9 տոկոսը կարծում է, որ դասախոսների 50-75 տոկոսը ներգրավված են կոռուպցիոն սխեմաների մեջ:
Նույն հետազոտությունից տեղեկանում ենք, որ միջնակարգ դպրոցներում հարցմանը մասնակցած 452 աշակերտներից 172-ը (38%) ասել են, որ իրենց դպրոցներում կոռուպցիա կա, միայն 19,9%-ն է հերքել կոռուպցիայի առկայությունը: Կոռուպցիայի գոյության մասին հայտարարած աշակերտների 36 տոկոսն ասել է, որ իրենց ծնողները կաշառք տվել են մեկ անգամ, 38 տոկոսը` մի քանի անգամ, իսկ 26 տոկոսը` պարբերաբար:
Կրթության ոլորտի փորձագետ Սերոբ Խաչատրյանը Panorama.am-ի թղթակցի հետ զրույցում կարծիք հայտնեց, որ կոռուպցիան նախ և առաջ ազդում է կրթության որակի վրա: Ըստ նրա, կոռուպցիայի արդյունքով կարող են կեղծվել կրթության արդյունքները, առաջացնել անարդար մրցակցություն, ինչն էլ կարող է ազդել որակյալ կրթության վրա: Բացի այդ, կոռուպցիայի հետևանքով դպրոցներում կարող են հայտնվել ոչ պրոֆեսիոնալներ:
Հարակից հրապարակումներ`
Լրահոս
Տեսանյութեր
Ինչո՞ւ հանկարծ ՀՀ իշխանությունները որոշեցին խլել արցախցիների կենսաթոշակային խնայողությունները
