Ձեր վստահելի աղբյուրը

Գերմանիայում Հյուսիսային Ռեյն Վեստֆալիա երկրամասի կառավարության ղեկավարը հայտարարել է, որ Քյոլնում  կանանց նկատմամբ անառակաբարո գործողություններ կատարելու գործի հետաքննության ընթացքում  ձերբակալվել է երեք կասկածյալ: Այս մասին գրում է Կոմերսանտը՝ հղում անելով Reuters-ին: 

Քաղաքական գործիչը հրաժարվել է հայտնել որևէ մանրամասն՝ նշելով, որ այն կարող է խանգարել հետաքննության ընթացքին:

Հիշեցնենք, որ Քյոլնում Ամանորի գիշերը գրանցվել են սեռական ոտնձգության տասնյակ և բռնաբարության մեկ դեպք: Ամեն ինչ կատարվել է Քյոլնի կենտրոնական կայարանի հրապարակում, որտեղ հարյուրավոր տղամարդիկ, հավանաբար, փախստականներ Մերձավոր Արևելքից և Հյուսիսային Աֆրիկայից, կազմակերպել էին մասսայական զբոսանք:

Նշվում է, որ Գերմանիայի կառավարության պաշտոնական ներկայացուցիչը հայտնել է, որ Գերմանիայի կանցլեր Անգելա Մերկելը պահանջել է խստորեն արձագանքել սեռական բնույթի զանգվածային հանցագործությանը:

Նույն աղբյուրի համաձայն, Քյոլնի կենտրոնում հազարավոր կանայք բողոքի ակցիայի են անցկացնում Նոր տարվա գիշերն իրականացված հարձակումների դեմ:

«Մեզ ուղղակի ձեռք էին գցում, իմ ոտքերի արանքին էին ձեռք տալիս: Ընկերուհիներիս  էլ: Ընկերս ինձ հանեց այդտեղից: Բավականին մեծ խումբ էր` քսան-երեսուն մարդ կլիներ»,- ասել է  տուժածներից մեկը: