Ձեր վստահելի աղբյուրը

Նախօրեի երեկոյան Հոլիվուդի բոլոր աստղերը Լոս Անջելեսի «Բևեռլի Հիլզ հյուրանոցում» էին, որտեղ անցկացվել է «Ոսկե գլոբուս» 73-րդ մրցանակաբաշխությունը: Մրցանակը, որը շնորհվում է Օտարազգի լրագրողների ասոցիացիայի կողմից, կինոաշխարհում բարձր է գնահատվում, զիջում է միայն «Օսկար»-ին: Այս մասին գրում է ՏԱՍՍ-ը;

Մրցանակը շնորհվում է նախորդ տարվա արդյունքներով 25 անվանակարգում՝ 14-ը՝ կինեմատոգրաֆիայի, 11-ը՝ հեռուստատեսության:

«Լավագույն դրամատիկ դերասան» անվանակարգում մրցանակի է արժանացել Լեոնարդո Դի Կապրիոն «Ողջ մնացածը» ֆիլմում խաղացած դերի համար:

«Լավագույն դրամատիկ դերասանուհի» անվանակարգում մրցանակի է արժանացել Բրի Լարսոնը՝ «Սենյակ» ֆիլմում կատարած դերի համար։

«Լավագույն դրամա» անվանակարգում «Ոսկե գլոբուս» է ստացել Ալեխանդրո Գոնսալես Ինյարիտուի «Ողջ մնացածը» ֆիլմը: Ժապավենը «Օսկար» մրցանակաբաշխության ֆավորիտներից մեկն է համարվում:

«Կատակերգության կամ մյուզիքլի լավագույն դերասան» անվանակարգում հաղթող է ճանաչվել ամերիկացի դերասան Մեթ Դեյմոնը՝ «Մարսիացին» ֆիլմում կատարած դերի համար:

«Երկրորդ պլանի լավագույն դերասանուհի» անվանակարգում «Ոսկե գլոբուս»  է ստացել բրիտանացի դերասանուհի Քեյթ Ուինսլեթը «Սթիվ Ջոբս» ֆիլմում կատարած դերի համար։

«Երկրորդ պլանի լավագույն դերասան» անվանակարգում մրցանակի է արժանացել Սիլվեստեր Ստալոնեն  «Քրիդ. Ռոքիի ժառանգությունը» ֆիլմի համար:

«Լավագույն դերասանուհի մինի-սերիալում» անվանակարգում «Ոսկե գլոբուս» է ստացել Լեդի Գագան «Ամերիկյան սարսափի պատմություն»  ֆիլմի համար:

«Լավագույն օտարալեզու ֆիլմ» անվանակարգում մրցանակի է արժանացել ռեժիսոր Լասլո Նեմեշի հունգարական «Սեուլի որդին» ֆիլմը:

Մրցանակակիրների ողջ ցուցակը՝ սկզբնաղբյուր կայքում: