Ձեր վստահելի աղբյուրը

ՀՀ արտաքին գործերի փոխնախարար Շավարշ Քոչարյանն այսօր լրագրողների հետ զրույցում պատասխանելով հարցին, թե Հայաստանի արտգործնախարարությունն ինչ է անում ԵԽԽՎ-ում հակահայկական զեկույցների հետ կապված, ասաց, որ  այդ ուղղությամբ աշխատանքներ կատարում է և՛ արտգործնախարարությունը, և՛ Ազգային ժողովի պատգամավորները:

«Իհարկե՛, մենք հասկանում ենք, որ այն հիվանդությունը, որ այնտեղ կա, ցավոք սրտի, բավականաչափ խորացված է հենց Եվրոպայի խորհրդում: Խնդիրը նրանում է, որ այն մարդիկ, ովքեր դարձել են ադրբեջանական քաղաքականության թիրախ, նրանք ամենևին մեծամասնություն չեն: Եւ խնդիրը կայանում է նրանում, որ  մնացած պատգամավորերը, ովքեր մեծամասնություն են, նրանց ներգրավվել, քանի որ այն մյուս մասը միանշանակ քվեարկող է: Թե ինչքանով դա կհաջողվի, ես հիմա կանխատեսումներ չեմ կարող անել, բայց որ այդ ուղղությամբ աշխատանքներ տարվում են, դա կարող եմ միանշանակ ասել»,- նշեց Շավարշ Քոչարյանը: