Ձեր վստահելի աղբյուրը

Նախօրեին Թուրքիայում ահաբեկչության մեղադրանքներով ձերբակալված, բայց ավելի ուշ ազատ արձակված տասնյակ գիտնականների գործի հետ կապված մանրամասներ դեռ չկան, բայց եթե գործը հասնի դատարան, նրանց սպառնում է մինչեւ հինգ տարի ազատազրկում: Այս մասին գրում է ամերիկյան New York Times-ը եւ շարունակում. «Գիտնականների կալանավորումը խորացրել է անհանգստությունները Թուրքիայում Էրդողանի իշխանության տարիներին խոսքի ազատության հետ կապված վիճակի վատթարացման վերաբերյալ, եւ վերլուծաբանները ասում են, որ գիտնականների այս վերջին հետապնդումը կոչված է սահմանափակել հանրային քննարկումները եւ ակադեմիական ազատությունը երկրում»:

Human Rights Watch իրավապաշտպան կազմակերպության թուրքագետ Էմմա Սինկլեր-Վեբը ասել է, որ այս հետապնդումները «շուրջ հետեւանքներ կունենան Թուրքիայում ակադեմիական ազատության վրա եւ կսահմանափակեն ազատ խոսքը»:

Թուրքիայի իշխանությունների քննադատությամբ էր հանդես եկել Անկարայում ԱՄՆ դեսպան Ջոն Բասը՝ ասելով, որ ձերբակալությունները «սառը ցնցուղի» ազդեցություն են ունենում հասարակության վրա:

Statement by Ambassador John Bass on free expression pic.twitter.com/lqEOvP9Ijg

— US Embassy Turkey (@USEmbassyTurkey) January 15, 2016

Նախօրեին ձերբակալված գիտնականներից հեռախոսով որեւէ մեկնաբանություն ստանալու New York Times-ի փորձերը ապարդյուն են անցել, քանի որ բոլոր հարցվածները հրաժարվել են խոսել՝ վախենալով բռնաճնշումներից: