Ձեր վստահելի աղբյուրը

Շիրակի մարզի ընդհանուր իրավասության դատարանի դատավոր Հարություն Մովսեսյանը մերժեց տուժողների իրավահաջորդների ներկայացուցիչների միջնորդությունը` դատավորին ինքնաբացարկ հայտնելու վերաբերյալ:

«Միջնորդությունը անհիմն է և ենթակա է միջնորդության», հայտարարեց դատավորը` ընդգծելով, որ դատավորը կաշկանդված չի եղել, իսկ որոշումները կայացվել են քրեական դատավարության օրենսգրքի համաձայն:

Մեղադրող դատախազը առարկել էր միջնորդությանը և միջնորդել մերժել այն:

Հիշեցնենք` տուժողների իրավահաջորդների ներկայացուցիչները հայտարարել էին, թե դատավոր Մովսեսյանը այս գործով կաշկանդված է և չի կարող «էական դատական ակտ» կայացնել: Փաստաբան Լուսինե Սահակյանը միջնորդեց դատական նիստը ավարտել, քանի որ աշխատանքային օրվա ավարտն է և դատարանը ընդունեց միջնորդությունը: Դատավորի որոշմամբ և կողմերի համաձայնությամբ այս գործով դատական նիստերը այսուհետև կկայանան յուրաքանչյուր շաբաթվա ուրբաթ օրերին: