Ձեր վստահելի աղբյուրը

Հայաստանի Ազգային պատկերասրահում 2015 թվականին կազմակերպվել է 20-ից ավելի  ցուցահանդես: Այս մասին լրագրողների հետ հանդիպման ժամանակ ասաց զրույցում Հայաստանի Ազգային պատկերասրահի գիտքարտուղար Արմինե Գաբրիելյանը:

Նա նշեց, որ 2015-ին կազմակերպվել են Հայոց ցեղասպանության 100-րդ տարելիցին նվիրված  ցուցահանդեսներ՝ Կոմիտաս-145, «Վկայություն», Գրիգոր Աղասյանի «Ապրելու ենք», «Պատասխան 100 տարի անց. անցյալը ներկայում», «Ոչ ցեղասպանությանը», Հովհաննես Զարդարյանի «Գաղթ»: Տարվա ընթացքում կազմակերպվել են նաև հոբելյանական ցուցահանդեսներ՝  Սեդրակ Առաքելյան-130, Եղիշե Թադևոսյան-145, Փանոս Թերլեմեզյան- 150:

Ա. Գաբրիելյանն ասաց, որ այլ երկրների հետ համագործակցությամբ կազմակերպվել են ցուցադրություններ: Նա նաև նշեց, որ Ազգային պատկերասրահը տարվա ընթացքում մասնակցել է չորս արտասահմանյան ցուցահանդեսների:

ՀԱՊ գիտքարտուղարի խոսքով, Հայաստանի ազգային պատկերասրահը 2015-ին ունեցել է ավելի շատ այցելու, քան 2014-ին:  2015 թվականի ընթացքում Ազգային պատկերասրահ է այցելել 60 հազար 822 մարդ, իսկ պատկերասրահի 12 մասնաճյուղեր` 23  հազար 343 մարդ: 2014 թվականի համեմատ` այցելուների թիվը 12 տոկոսով աճել է: 

Ինչ վերաբերում է ֆոնդերի համալրմանը, նա նշեց, որ Հայաստանի Ազգային պատկերասրահի ֆոնդերը հիմնականում համալրվում են նվիրատվությունների միջոցով: Այս տարի պատկերասրահը համալվել է 78 թանգարանային առարկայով: