Ձեր վստահելի աղբյուրը

Կարմրուկի, կարմրախտի և խոզուկի (ԿԿԽ) դեմ եռավալենտ պատվաստումները Ճապոնիան դադարեցրել է դեռ 1993 թվականից: Երկրի առողջապահության նախարարը հայտարարել էր, թե եռավալենտ պատվաստումները հակառակ արդյունքն են տալիս` առաջացնելով մինինգիտ: Այս մասին գրում է Japantoday-ը:

1.8 մլն երեխաներ պատվաստվել են և նրանցից որոշների մոտ պատվաստումը բացասական հետևանքներ է առաջացրել, իսկ երեքն էլ մահացել էին: Արդյունքում, ըստ աղբյուրի, Ճապոնիան միակ զարգացած երկիրն է, որտեղ արգելվում են ԿԿԽ եռավալենտ համակցված պատվաստումներ: Այստեղ Կարմրուկի և կարմրախտի դեմ պատվաստումները կատարվում են առանձին:

Սակայն այդ արգելքը վիճահարույց է: Մեծ Բրիտանիայի այն ժամանակվա վարչապետ Թոնի Բլեերը բերում էր Ճապոնիայի օրինակը` ցույց տալու, թե որքան վտանգավոր է ԿԿԽ եռավալենտ համակցված պատվաստանյութի օգտագործումը: Նա ասել էր, որ այն ճակատարգրական է եղել: Նաև վախեր կային, որ պատվաստանյութի օգտագործումը կարող է աուտիզմ առաջացնել: Սակայն ուսումնասիրությունները ցույց տվեցին, որ պատվաստանյութի և աուտիզմի միջև կապ չկա: Իրականում, Ճապոնիայի կողմից հայտարարված արգելքը օգնեց ապացուցել դա. 2005-ին 300 հազար երեխայի հետ կատարված ուսումնասիրության արդյունքում պարզվեց, որ չնայած պատվաստանյութի կիրառման արգելքին, աուտիզմի դեպքերը աճել են:

Բացի այդ, ըստ աղբյուրի, 2014-ին Եվրոպական բիզնես խորհրդի զեկույցը, նշելով, որ Ճապոնիան հասնում է ԱՄՆ-ին և Եվրոպական Միությանը երեխաների համար նախատեսված մի շարք պատվաստանյութերի հարցում, նախազգուշացրել էր. «պատվաստումից պաշտպանվածությունը բավարար չէ»: Զեկույցի համահեղինակներից է դոկտոր Շունջիրո Սուգիմոտոն, ով եղել է Ճապոնիայի դեղագործական արտադրությունների և ասոցիացիաների հարցերով Եվրոպական ֆեդերացիայի պատվաստանյութերի ենթահանձնաժողովի նախագահը:

Նա նաև ասել է, որ դիֆտերիայի, փայտացման և պոլեոմելիթի դեմ համակցված պատվաստանյութը միայն վերջերս, Եվրոպայից 15 տարի անց է հաստատվել ու կիրառվել: Սուգիմոտոն ասել է, որ 5-ը` մեկում (հնգավալենտ), 6-ը` մեկում խառնուրդ պատվաստանյութերը, որոնք օգտագործվում են գրեթե բոլոր երկրներում, մինչև այժմ էլ Ճապոնիայում անհասանելի են: Բացի այդ, այնպիսի պատվաստանյութեր, ինչպիսիք համաճարակային պարոտիտի (մանկական սուր վարակիչ հիանդություն) և հեպատիտ Բ-ի դեմ են, իմունիզացիայի ազգային ծրագրի մաս չեն կազմում: Այստեղ պարբերաբար կատարվում է պատվաստում դիֆտերիայի, սուր պոլիոմելիթի, կարմրախտի, կարմրուկի, ճապոնական էնցեֆալիտի, փայտացման և գրիպի դեմ:

«Որոշ փորձագետներ ասում են, որ համաճարակային պարոտիտի պատվաստումը Ճապոնիայում չի կարող այնքան անվտանգ լինել, որքան արտերկրում է: Պատվաստանյութերը չհամադրելը, ճիշտ է, անհարմարություններ է ստեղծում, բայց այն պատվաստումները, որոնք չեն արվում հանրային առողջության պահպանման խնդիր են համարվում», -հայտարարել է Ճապոնիայի դեղագործական արտադրությունների և ասոցիացիաների հարցերով Եվրոպական ֆեդերացիայի պատվաստանյութերի ենթահանձնաժողովի (EFPIA) ներկայիս նախագահ Ջուն Հոնդան:

Անհարմարությունն այն է, որ ճապոնացի մայրերը իրենց երեխաներին պատվաստման տանում են մի քանի անգամ: Այն պատվաստումները, որոնք նախատեսված չեն ազգային ծրագրով, մայրերը ստիպված են դրա համար վճարել իրենց գրպաններից: Արդյունքում արտակարգ իրավիճակների ժամանակ կարող է առաջանալ պատվաստանյութի պակաս:

EFPIA-ի ներկայացուցիչ Սայմըն Քոլլերի խոսքով, նման իրավիճակ եղել է H1N1 վարակի, որն առավել հայտնի էր որպես խոզի գրիպ, դեպքում: Վարակի տարածումը եղավ 2009-ինմ, երբ Ճապոնիայի առողջապահության նախարարությունը ստիպված եղավ գրիպի դեմ պատվաստանյութ ներմուծել երկիր:
2009-ի վերջի դրությամբ երկրում շուրջ 15 մլն մարդ պատվաստվել էր այդ հիվանդության դեմ, և հետո հաղորդվեց 100 հազար մահվան մասին: Իսկ ահա 2013-ին կարմրուկի բռնկումը ժամանակավոր պատվաստման մեկ այլ խնդիր առաջացրեց:

Ըստ աղբյուրի, այս ամենը ընդգծում է, թե ինչքան դժվար է պահպանել միլիոնավոր մարդկանց առողջությունը` օգտագործելով հանրային ծրագրերը: Բայց Հոնդան այն փորձագետներից մեկն է, որ կարծում է, թե Ճապոնիայի անգործունյա բյուրոկրատիան կյանքեր է դնում ռիսկի տակ: Նրա կարծիքով, Ճապոնիայում պատվաստանյութերի հարցում բավարար փորձառություն չկա: Օրինակ, նա համեմատում է ԱՄՆ համաճարակաբանության Ազգային ինստիտուտի փորձագետների հետ, որտեղ մասնագետներն ավելի շատ են, քան իր երկրում:

«ԿԿԽ-ի դեպքում որոշեցինք, որ նոր ու անվտանգ պատվաստանյութ է անհրաժեշտ և խնդրեցին Պատվաստանյութի արտադրության ճապոնական ասոցիացիային մշակել այն:  Կարմրուկի և կարմրախտի դեպքում պատվաստումը կատարվում է անհատապես, առանձին, իսկ խոզուկի դեպքում այն արվում է կամավոր հիմունքներով», -ասել է Ասոցիացիայի ներկայացուցիչ Յոշիհիսան:

Մինչ նոր դեղերի հայտնագործման ու արտադրության համար ժամանակ կպահանջվի, Ճապոնիան այդուհանդերձ խուսափում է Եվրոպայից կամ այլ երկրից պատվաստանյութ ներմուծել: Սայմըն Քոլլերի խոսքով, կառավարությունը նախընտրում է սպասել ու տեղում արտադրել պատվաստանյութ, քան ներմուծել դրսից:

Ոլորտում փորձագետները մեկ այլ ձախողում ևս գտել են. 2013-ին դեռահաս աղջիկների մոտ պապիլոմավիրուսի (արգանդի վզիկի քաղցկեղ HPV) դեմ պատվաստանյութ կիրառվեց 8 մլն մարդու համար, և Առողջոպահության նախարարությունը հայտարարեց, որ 106 դեպքերում հետևանքները լուրջ են եղել:

Ճապոնիայի դեղագործական արտադրությունների և ասոցիացիաների հարցերով Եվրոպական ֆեդերացիայի պատվաստանյութերի ենթահանձնաժողովի (EFPIA) ներկայիս նախագահ Ջուն Հոնդան խոստովանում է, որ Ճապոնիայի հանրային իմունիզացիայի ծրագիրը թույլ է: