Գրիպով հիվանդների դիմելիությունը նվազել է շուրջ 40 տոկոսով. ԱՆ

Առողջություն 18:37 27/01/2016 Հայաստան

Գրիպով հիվանդների դիմելիությունը նվազել է շուրջ 40 տոկոսով. ԱՆ

Վերջին տասնօրյակի ընթացքում հանրապետությունում դիտվում է գրիպով և սուր շնչառական վարակներով հիվանդացության դիմելիության զգալի նվազում` շուրջ 40 տոկոսով: Այս մասին նշել է ՀՀ առողջապահության նախարար Արմեն Մուրադյանը՝ արագ արձագանքման խմբի հերթական խորհրդակցության ժամանակ:

ԱՆ լրատվական ծառայության հաղորդմամբ՝ նվազել է նաև շտապօգնության կանչերի թիվը` սուր շնչառական վարակներով պայմանավորված: Դիմելիության զգալի իջեցում է արձանագրվել նաև բուժօգնության առաջնային օղակում:

Փետրվարի 1-ից ուսումանական գործընթացը սկսելու կապակցությամբ քննարկվել են հանրապետության հանրակրթական, նախնական և միջին մասնագիտական ծրագրեր իրականացնող ուսումնական հաստատությունների պատրաստվածության մակարդակը:

Կարևորվել է Երևանի և մարզերի կրթական և նախակրթական հաստատություններում անհրաժեշտ ջերմային ռեժիմի ապահովմանը և պահպանմանն ուղղված աշխատանքների իրականացումը:
Հաշվի առնելով հիվանդացության կայունացման և նվազման միտումը` ՀՀ ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանն առաջարկել է իրականացնել կանխարգելիչ մի շարք միջոցառումներ:

Հիմք ընդունելով ներկայացված կանխարգելիչ միջոցառումներ իրականացնելու հրահանգը` Արմեն Մուրադյանը հանձնարարել է նախարարության համապատասխան ստորաբաժանումներին պատասխանատու գերատեսչությունների հետ իրականացնել ուսումնական հաստատությունների պատրաստվածության մակարդակի մշտադիտարկում:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: