Ձեր վստահելի աղբյուրը

«Անկախության տարիներին շատ արժեքներ կորցրեցինք, բայց ամենակարևորը պահպանեցինք՝  ազատագրված Արցախ և ստեղծված հայոց բանակ»,- լրագրողների հետ հանդիպման ժամանակ ասաց գրականագետ Դավիթ Գասպարյանը:

Ըստ նրա, այսօրվա աշխարհաքաղաքական վիճակը, անընդհատ պատերազմները վկայում են, որ հայկական բանակը  պետք է պատրաստ  լինի,  ամեն ինչ արվի հզորացնելու,  ամրացնելու, բարոյահոգեբանական մթնոլորտը բարձր պահելու համար:

Ասուլիսին ներկա ղարաբաղյան պատերազմի մասնակից,  երգահան Դավիթ Ամալյանը հիշեց ռազմի դաշտում անցկացրած տարիները, իրենց ջոկատը՝ «ճտերի ջոկատ», քանի որ հիմնականում 15-17 տարեկան  տղաներ են ընդգրկված եղել, ապա նշեց. «Ինձ համար հեքիաթային անցյալ էր, որ կրկնվելու կարիք չկա, ոչ մեկս չենք ուզում, որ կրկնվի այդ հեքիաթը»:

Ըստ նրա, դիրքում կանգնել նշանակում է  երկրին, խաղաղությանը, ընտանքին տեր լինել. «Գնում հասնում է դիրք, այդ տղան դառնում է մտավորական: Դիրքում կանգնած տղան մեզ համար մտավորական է: Տա Աստված խաղաղությամբ վերադառնա, հաստատ լցված կլինի այն էությամբ, որ իր անելիքն ավելի հոգևոր առումով կշարունակի: Ինչ դառնա, ավելի լավ կանի, լրիվ կանի»:

Դ. Ամալյանի խոսքով, բանակը, երկիրն ընթացք է, որը երբեք չի ավարտվում:

«Բանակն անընդհատ սերնդափոխվում է, դրական ու բացասական երևույթներ են լինում, վերանում են, նորերն են լինում, զենքների տեսակները հնանում են, նորերն են ձեռք բերվում»,- նշեց նա: