«Քամփ Արմեն»-ում սկսվել են վերակառուցման աշխատանքները

Հասարակություն 16:53 08/02/2016 Հայաստան

Ստամբուլում Թուզլայի շրջանում գտնվող հայ որբերի «Քամփ Արմեն» ճամբարում սկսել են վերակառուցման աշխատանքները:

«Էրմենիհաբեր»-ի փոխանցմամբ, այս աշխատանքներն իրականացնելու համար ստեղծվել է հատուկ հանձնախումբ, որի մեջ ներգրավված են «Դյուշունջե պլատֆորմը», «Հայճար» կազմակերպությունները, «Հրանտ Դինք» հիմնադրամը, «Գեդիքփաշայի Հայ Ավետարանչական եկեղեցին», «Գալագյան», «Դպրեվանք» և «Ղարագյոզյան» հիմնարկները:

«Դյուշունջե» կազմակերպության նախագահ Հարութ Օզերը Ստամբուլում հրատարակվող «Ակոս» թերթի հետ զրույցում նշել է, որ նպատակ կա միջազգային չափանիշներին համապատասխան ճամբար կառուցել, որից կօգտվեն թե Թուրքիայի, թե օտարերկրացի երեխաները :

Աղբյուրը հիշեցնում է, որ «Քամփ Արմեն» հայկական ճամբարը Ստամբուլի Թուզլա շրջանում գտնվող լքյալ ու կիսաքանդ մի շինություն է: 8.552 քմ տարածք զբաղեցնող «Քամփ Արմենը» 1961 թվականին գնվել է Հայ բողոքական եկեղեցու հիմնադրամի կողմից և ծառայել է որպես ամառային ճամբար` Գեդիկփաշայի հայկական դպրոցի չքավոր ու որբ սաների համար: Այնտեղ են մեծացել Հրանտ Դինքը և նրա կինը՝ Ռաքել Դինքը: Հետագայում ճամբարը թուրքականիշխանությունների կողմից ապօրինաբար խլվել է հայ համայնքից:

2015 մայիսի 6-ի ճամբարի ներկայիս սեփականատիրոջ նախաձեռնությամբ սկսվել էր ճամբար-մանկատան ապամոնտաժումը, սակայն կարճ ժամանակ անց Թուրքիայի հայկական համայնքի սկսած բողոքի լայնածավալ միջոցառումների շնորհիվ շինության ապամոնտաժումը ժամանակավորապես հնարավոր եղավ դադարեցնել: Հոկտեմբերի 27-ին, երբ ճամբարը վերադարձվեց հայ համայնքին:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: