Ձեր վստահելի աղբյուրը

ԱՄՆ-ի վարչակազմն ավելի քան 1,8 միլիարդ դոլար կպահանջի Կոնգրեսից  Զիկա վիրուսի դեմ պայքարելու համար, որից մեծապես տուժում են նորածինները: Այս մասին գրում է Ռիա նովոստին՝ հղում անելով Սպիտակ տանը:

Ըստ Սպիտակ տան հաղորդագրության, վարչակազմն  այսօր հայտարարում է, որ Կոնգրեսից ավելի քան 1,8 միլիարդ դոլար է պահանջում  ինչպես երկրի ներսում, այնպես էլ միջազգային մասշտաբով Զիկա վիրուսի դեմ պայքարելու համար՝ շտապ ֆինանսավորման նպատակով: Պահանջը Կոնգրես կուղարկվի առաջիկայում:

Զիկա տենդը Զիկա վիրուսով հարուցված միջին ծանրության հիվանդություն է: Այն տարածված է արևադարձային և մերձարևադարձային երկրներում, քանի որ հիմնականում փոխանցվում է այդ կլիմայական գոտիներում տարածված Aedes aegypti  ցեղի մոծակի միջոցով: Համարվում է, որ վարակվածների միայն 20-40%-ի մոտ է հիվանդությունը կլինիկորեն արտահայտվում: Զիկա տենդի ախտանշանները նման են Դենգեի, Չիկունգունյա տենդերին, սակայն ավելի մեղմ են՝ տենդ, ցան, հոդացավ, շաղկապենու բորբոքում, մկանացավ, գլխացավ, հոգնածություն:  Հիվանդությունը տևում է 2-7 օր: Հիվանդության ծանր ձևերը հազվադեպ են հանդիպում և դրանք հիմնականում կրում են նյարդաբանական բնույթ: Հազվադեպ են գրանցվում նաև մահվան դեպքեր:

Մինչ օրս նկարագրվել է վիրուսի շրջանառությունը Աֆրիկա, Ամերիկա, Ասիա մայրցամաքներում և Խաղաղ օվկիանոսի կղզիներում: