Ձեր վստահելի աղբյուրը

Մանկական հագուստի համար նախատեսված «Ушастый нянь» լվացքի փոշին «Ռոսկանտրոլ»  ընկերության կատարած լաբորատոր հետազոտությունների արդյունքում որակվել է որպես մաքսիմալ վտանգավոր: Այս մասին Panorama.am-ը տեղեկացավ ընկերության պաշտոնական էջից: 



Նշվում է, որ հետազոտության արդյունքում դրա բաղադրության մեջ հայտնաբերված թունավոր նյութերի քանակությունը խոսում է այն մասին, որ այն չպետք է օգտագործել մանկական հագուստ լվանալու համար: Այն արտադրվում է Իրկուստկի շրջանում:

«Լվացքի փոշու բաղադրության մեջ թունավոր նյութերի ցուցանիշը կազմում է 40 տոկոս, ինչը գերազանցում է  թույլատրելի չափերը: Դա նշանակում է, որ երեխաների հագուստը լվանալու համար այն օգտագործելն անվտանգ չէ: Այն պարունակում է ֆոսֆատ, սրանով ամեն բան ասված է: Այն ոչ թե մանկական լվացքի փոշի է, այլ  քիմիա»,-նշված է ընկերության էջում:

Ջրում, հետևաբար, նաև  հագուստի վրա հայտնաբերվել են նաև անիոների մնացորդներ: Սա վերաբերում է 400 գրամանոց թղթե տուփով լվացքի փոշուն:  Պոլիէթիլենային փաթեթավորմամբ փոշու մասին ընկերության կայքում տեղեկատվություն չկա, չնայած դժվար է պատկերացնել, որ նույն ընկերությունը այլ տուփերի համար ուրիշ բաղադրությամբ փոշի է արտադրում:

Նշենք, որ նույն ֆիրմայի լվացքի փոշիները տարբեր փաթեթավորմամբ, օճառներն ու ձեռքի հեղուկ օճառները, շամպուներն ազատորեն վաճառվում են հայաստանյան խանութներում:

Ընկերության սև ցուցակում են ընդգրկվել ու առավել վտանգավոր են որակվել նաև «Аистенок», 
«Persil Expert Sensitive»,  «Досенька», «Tide «Детский», «Пемос Детский»  մանկական լվացքի փոշիները: