Ձեր վստահելի աղբյուրը

Մարդու իրավունքների պաշտպանը պետք է ընկալվի ոչ թե պետությունից օտարացած և հենց այդ նույն մղումով պետության դեմ պայքարի դուրս եկած մարմին, այլ այնպիսի սուբյեկտ, որը վեր լինելով գերատեսչական շահից, կոչված է նպաստելու իրավունքների պաշտպանության համակարգի ուժեղացմանը: Այդ մասին այսօր Ազգային ժողովում ելույթ ունենալով հայտարարեց Մարդու իրավունքների պաշտպանի թեկնածու Արման Թաթոյանը:

«Ցավոք, մեր երկրում շարունակում են չլուծված մնալ զգալի թվով այնպիսի խնդիրներ, որոնք պատճառ են դառնում ազատությունների ու իրավունքների բազմաթիվ խախտումների», -հայտարարեց Օմբուդսմենի թեկնածուն:

Նա կարծում է, որ Պաշտպանը և նրա աշխատակազմը պետք է մատչելի լինեն յուրաքանչյուրի համար:

«Օրենսդրական նոր կարգավորումների միջոցով պետք է բարձրացնել մարզային ստորաբաժանումների դերը, որը բավարար կլինի տեղում արձագանքումների համար: Քաղաքացու վստահության երաշխիք է անմիջապես իրավունքների ոտնահարման դեպքում արձագանքը», -հավելեց Արման Թաթոյանը:

ԱԺ-ում թեկնածուի ամբողջական ելույթը` տեսանյութում: