Ձեր վստահելի աղբյուրը

«Եթե մեր երկրի քաղաքական մշակույթը լիներ նորմալ, առողջ, ես կհավատայի, որ դուք հաջողելու եք ձեր առաքելության մեջ: Մեզանում աղճատված է քաղաքական մշակույթը, ընդդիմություն-իշխանություն  հասկացությունները, օմբուդսմենի ինստիտուտը»,- Ազգային ժողովում ունեցած ելույթում ասաց ԱԺ ԲՀԿ խմբակցության ղեմավար Նարիա Զոհրաբյանը՝ խոսելով ՄԻՊ թեկնածուի ընտրության և ՄԻՊ թեկնածու Արման Թաթոյանի մասին:

Այնուհետև հետևյալ հարցադրումն արեց՝ դիմելով ՄԻՊ թեկնածուին. «Դուք կարո՞ղ եք իսկապես դիմակայել երկու կողմի հարվածներին»:

«Անկեղծ ասած, լավատես չեմ, չեմ հավատում, որ  դու կկարողանք իսկապես չդառանալ ոչ ընդիդմության ձեռքին գործիք, չվախենալ ընդդիմության շանտաժներից, ովքեր կմեղադրեն իշխանության դրածոն լինելու մեջ, ոչ էլ կկարողանաք դիմակայել իշխանության և պետական տարբեր կառույցների կողմից արվող ճնշումներին:

Եթե  ձեզ հաջողվի իսկապես կոտրել Մարդու իրավունքների պաշտպանի ստերիոտիպը՝ չդառանալով որևէ կողմի գերին, պատանդը, կլինեմ առաջին մարդը, ով կկանգնի ձեր կողքին»,- ասաց ԲՀԿ-ական պատգամավորը՝ հավելելով, որ այս պահին չի կարող կողմ քվեարկել Ա.Թաթոյանի թեկնածությանը, քանի որ նախկին երեք փորձը իրեն չեն համոզել, որ այսօր Հայաստանում օմբուդսմենի ինստիտուտը կայացել է:

Նաիրիա Զոհրաբյանի խոսքով, ԲՀԿ-ն երկար է քննարկել այս խնդիրը, եղել են տարբեր տեսակետներ, եկել են եզրակացության, որ ԲՀԿ-ն կքվեարկի ազատ, յուրաքանչրյուր պատգամավոր իր խղճի մտոք:

«Ես այս  ընտրությանը չեմ մասնակցելու»,- ասաց նա:

Նախքան Ն. Զոհրաբյանի հայտարարությունը, ելույթ ունեցավ ԲՀԿ-ական պատգամավոր Վահան Բաբայանը՝ հայտնելով, որ պետք է տրվի հնարավարություն Ա.Թաթոյանին:

«Ձեր մասնագիտական կարողություններով կկարողանաք իրականացնել ձեր վրա դրված պարտականությունները:  Ես քվեարկելու եմ կողմ»,- ասաց նա: