Huffington Post. Թուրքիան պետք է հեռացվի ՆԱՏՕ-ի անդամ երկրների շարքից
Հյուսիսատլանտյան դաշինքի անդամ երկրները պետք է սթափ դիտարկեն Թուրքիայի նախագահ Ռեջեփ Թայիփ Էրդողանի՝ օր-օրի աճող հանցագործությունների ցանկը և որոշեն՝ արդյոք իրենց իրականում պե՞տք է նման դաշնակից: «Ռիա նովոստի» գործակալության փոխանցմամբ, այս մասին գրում է «Huffington Post» պարբերականը:
«Մինչ այս ՆԱՏՕ-ի անդամ երկրները չէին պատկերացնի, որ իրենցից մեկը կդավաճանի մյուսներին: Դաշինքը նույնիսկ չունի իրեն անդամակցող երկրին հեռացնելու ձևավորված մեխանիզմ, եթե նրա դրսևորումը դուրս է գալիս վերահսկողությունից: Սակայն այժմ հասունացել է այդ պահը: Թուրքիան այնքան է հեռացել ՆԱՏՕ-ի անդամ իր դաշնակից երկրներից, որ սատարում է «ԻՊ» ահաբեկիչներին, Արևմուտքի դեմ պայքարում»,- նշված է հոդվածում:
«Երբ Ռեջեփ Թայիփ Էրդողանն եկավ իշխանության, երկիրը կտրուկ շրջադարձ կատարեց դեպի ավտորիտարիզմ և կրոնական պահպանողականություն, կորցրեց ընկերներին, հայտնվեց այնպիսի առերեսումների մեջ, որոնք նա ի վիճակի չէ ավարտել՝ սկսած քրդերի դեմ տարվող պայքարից, մինչև ռուսական ինքնաթիռի կործանում: Եվ երբ այդ իրադրություններն ավելի են թեժանում, Թուրքիայի փողոցներում սկսում են ռումբեր պայթել, իսկ հակառակորդներն ավելի ու ավելի են մոտենում երկրի սահմաններին, Էրդողանն էլ շարունակում է ՆԱՏՕ-ից պահանջել անվերապահ աջակցություն»,-նշում է հոդվածագիրը:
Սակայն Դաշինքի անդամ երկրները չպետք է տրվեն բոլորի աջակցությունը պահանջող Անկարայի տարատեսակ սադրանքներին: Դրա փոխարեն, ըստ հոդվածագրի, ՆԱՏՕ-ի անդամ երկրները պետք է ձեռնամուխ լինեն սկսել մի գործընթաց, որը հնարավորություն կտա պարզել՝ ունի՞ արդյոք «ԻՊ» ահաբեկիչների հետ Էրդողանի համագործակցությունը որևէ արդարացում և կա՞ն արդյոք դրանում ինչ-որ առավելություններ, որոնք կհավասարակշռեն Արևմուտքի նկատմամբ նրա գործած հանցագործությունները:
«Հյուսիսատլանտյան խորհուրդը պետք է Թուրքիային պաշտոնապես հեռացնի ՆԱՏՕ-ի անդամ երկրների շարքից, քանի դեռ նրա ռազմատենչությունն ու չդադարող ագրեսիան չի ներքաշել միջազգային հանրությանը երրորդ համաշխարհային պատերազմի մեջ»,-ավելացնում է հոդվածագիրը:
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
