Ձեր վստահելի աղբյուրը

«Դժվար է ասել, կա մի չարագործ, ով քանդում է, քանդում: Այս գործընթացը շատ վաղուց է սկսվել: Ցավալի է, չգիտեմ ինչից է առաջացել քանդելու այդ միտումը՝ հատուկ է արվում, թե առանց խորը մտածելու, սակայն հիշողությունը մեր ազգի միջից կամաց-կամաց ջնջվում է»,- լրագրողների հետ հանդիպման ժամանակ ասաց ճարտարապետ Հրաչ Պողոսյանը:

Ըստ նրա, Երևանի դժբախտությունը կայանում է  նրանում, որ պատմական իրադարձությունների բերումով, հին, միասնական քաղաքի կենտրոն հասկացողությունը չի ունեցել. «Դա չտվեց հնարավորություն պահպանել հին քաղաքը»:

Հ.Պողոսյանի խոսքով, հիշողության ոչնչացումը ժողովրդի մեջ առաջացնում է ամնեզիայի վիճակ. «Այսօր չկա խորհրդային անցյալը, խորհրդային շրջանում չկար ցարական անցյալը: Հիշողության պակասը բերել է այդ սովորույթին, որ սառնասրտորեն ենք մոտենում հիշողության ոչնչացմանը»:

Նա նաև նշեց, թեև ուզում են «Հին Երևան» նախագծի միջոցով հին Երևանի պատրանք ստեղծել, սակայն չի ստացվի: